વડોદરા જી.એસ.ટી.ના ઇન્ટેલિજન્સ વિભાગે દિલ્હીના વેપારીની ધરપકડ કરી

વડોદરા : મહારાષ્ટ્રના ભિવંડી ખાતે આવેલી અર્જુન એન્ટરપ્રાઇઝ લિમિટેડના દિલ્હી ખાતે રહેતા સંચાલક અર્જુન અનિલ આનંદની વડોદરા સ્થિત જીએસટીના ઇન્ટેલિજન્સ વિભાગે રૃ.૪૭.૯૮ કરોડની જીએસટી ચોરીના કેસમાં ધરપકડ કરીને જેલમાં મોકલી આપ્યો છે.  આ કેસમાં આરોપી અર્જુન આનંદે વડોદરાની ચિફ જ્યુડિશિઅલ મેજિસ્ટ્રેટની  કોર્ટમાં જામીન માટે અરજી કરી છે જેનો જીએસટી વિભાગ દ્વારા વિરોધ કરવામાં આવ્યો છે. આજે બન્ને પક્ષની સુનાવણી પુરી થઇ છે અને ચુકાદો તા.૨૩ જાન્યુઆરી ગુરૃવાર ઉપર મુલતવી રાખવામાં આવ્યો છે.