મુજમહુડાથી અકોટા માર્ગ ઉપર ભુવો પડતા બસ ફસાઈ, ક્રેનની મદદથી બહાર કાઢી

Jul 8, 2025 - 01:00

Join our WhatsApp Community to receive travel deals, free stays, and special offers!
- Join Now -

શહેરમાં અવારનવાર ભુવાઓ પડવાના કિસ્સાઓ પ્રકાશમાં આવતા રહે છે. ત્યારે આજે મુજમહુડાથી અકોટા તરફના માર્ગ પર પડેલ ભૂવામાં ખાનગી કંપનીના કર્મચારીઓને લઈ જતી બસ ફસાઈ હતી. જેના પગલે કર્મચારીઓ ગભરાયા હતા. ક્રેનની મદદથી બસને બહાર કાઢવામાં આવી હતી.

શહેરમાં વરસાદના પ્રારંભે જ ઠેર ઠેર ખાડાઓનું સામ્રાજ્ય તેમજ ભુવાઓ પડવાની ઘટનાઓ સામે આવી રહી છે. જેથી કોર્પોરેશનની પ્રિમોન્સૂન કામગીરી સામે પ્રશ્નો ઊઠ્યા છે. મુજમહુડાથી અકોટા તરફના માર્ગ ઉપર પસાર થઈ રહેલ ખાનગી કંપનીના કર્મચારીઓને લઈ જતી બસનું આગળનું પૈડું અચાનક ભૂવામાં ખૂંપી જતા કર્મચારીઓમાં ગભરાટ જોવા મળ્યો હતો.