જૂનાગઢ પંથકમાં ધમધમતા સફેદ દૂધના કાળા કારોબારનો પર્દાફાશ

Mar 16, 2026 - 09:30

Join our WhatsApp Community to receive travel deals, free stays, and special offers!
- Join Now -

આપના નેતાઓએ પકડેલ દૂધનો ડમ્પિંગ સાઈટ ખાતે નાશ કરાયો

દૂધના ટેન્કરને પોલીસ સ્ટેશને લઈ ગયા, ફુડ વિભાગે છ મહિને રિપોર્ટ આવશે તેવું કહેતા ખાનગી કીટમાં ટેસ્ટીંગ કરવું પડયું

જૂનાગઢ: સમગ્ર ગુજરાતમાં સફેદ દૂધનો બેરોકટોક કાળો કારોબાર ધમધમી રહ્યો છે. ફુડ વિભાગની બેદરકારીના કારણે લોકોના આરોગ્ય સાથે ગંભીર ચેડા થઈ રહ્યા છે. આપના નેતા દ્વારા નકલી દૂધ પકડવાની ઝુંબેશ શરૂ કરવામાં આવી છે તેના ભાગરૂપે આજે વિસાવદર પંથકમાંથી ભરાયેલું દૂધનું ટેન્કર જૂનાગઢમાંથી પકડી લેવામાં આવ્યું, પકડયા બાદ પોલીસને સોંપી ફુડ વિભાગને જાણ કરવામાં આવી, ફુડ વિભાગે છ માસ બાદ રિપોર્ટ આવે તેવો ઉડાવ જવાબ આપતા સ્થળ પર જ આપના નેતાઓની ટીમ દ્વારા તેનું ટેસ્ટિંગ કરવામાં આવ્યું હતું. આ ટેસ્ટિંગ રિપોર્ટમાં દૂધ ભેળસેળયુક્ત હોવાનો રિપોર્ટ આવ્યો છે.