જામનગરના મોડપર ગામના પાટિયા પાસે ઈકો કારમાંથી દારૂની 48 બોટલ સાથે એક શખ્સની ધરપકડ

Jamnagar Liquor Crime : જામનગર–રાજકોટ હાઈવે પર આવેલ મોડપર ગામના પાટિયા પાસેથી એક ઈકો કારમાં અંગ્રેજી દારૂની 48 બોટલ મળી આવતા એલસીબીએ એક શખ્સની ધરપકડ કરી કુલ મળી રૂા.3.24 લાખનો મુદામાલ કબ્જે કર્યો હતો.પ્રાપ્ત વિગત મુજબ જિલ્લા પોલીસવડાના માર્ગદર્શન હેઠળ બાતમીના આધારે એલસીબીએ જામનગર–રાજકોટ હાઈવે પર આવેલ મોડપર ગામના પાટિયા પાસે વોચ ગોઠવી હતી. દરમ્યાન અહીંથી પસાર થતી ઈકો કારને રોકાવી તલાશી લેતાં તેમાંથી અંગ્રેજી દારૂની 48 બોટલ મળી આવતાં મધ્ય પ્રદેશના અલીરાજપુર જિલ્લાના માલફળિયા પાનગુડા ગામના શખ્સને ઝડપી લીધો હતો.