જામનગરના માંજોઠી નગરમાં ગઈ રાત્રે એક કાર ચાલક અને તેના સાથીદારનું કરતુત સામે આવતાં પોલીસ ફરિયાદ નોંધાવાઇ

Jul 17, 2025 - 21:00

Join our WhatsApp Community to receive travel deals, free stays, and special offers!
- Join Now -

જામનગરમાં માજોઠી નગર વિસ્તારમાં ગઈકાલે એક કાર ચાલક બેકાબૂ બન્યો હતો, અને ફુલ સ્પીડમાં આવી સાઈડમાં પાર્ક કરેલા એક ટુ-વ્હીલરને ભટકાડીને તેમાં 70,000નું નુકસાન પહોંચાડ્યું હતું, જ્યારે વીજ પોલને પણ ટક્કર મારી દીધી હતી. જે અંગે બાઈક ના માલિક યુવાને કાર ચાલકને અટકાવવા જતાં તેમાંથી ઉતરેલા સાથીદારે બાઈકના માલીક યુવાન અને તેની માતાને ગાળો ભાંડી ધમકી આપ્યાની પોલીસ ફરિયાદ થઇ છે.

જામનગરના માજોઠીનગરમાં રહેતા આફતાબ હાજીભાઈ માકોડા નામના યુવાને પોતાને તથા પોતાની માતાને ગાળો ભાંડી ધમકી આપવા અંગે તેમજ પોતાના વાહનમાં અને વીજપોલમાં ઈનોવા કારની ટક્કર મારી દઇ નુકસાન પહોંચાડવા અંગે જી.જે. 10 વાય 9410 નંબરની ઇનોવાકારના ચાલક કાદર ઈકબાલભાઈ તેમજ તેમની સાથેના ઈન્દ્રીશ હુસેનભાઇ માકોડા સામે ફરિયાદ નોંધાવી છે.