ગુજરાતના મ્યુઝિયમ્સ: 2 વર્ષમાં 16 લાખથી વધુ લોકોએ લીધી મુલાકાત, કાચની પેટીઓ છોડી ડિજિટલ અવતારમાં થયા સજ્જ

Jun 9, 2026 - 03:00

Join our WhatsApp Community to receive travel deals, free stays, and special offers!
- Join Now -

Gujarat Museums: ગુજરાતમાં બદલાતા સમયની સાથે મ્યુઝિયમ્સ (સંગ્રહાલયો)નું સ્વરૂપ પણ સંપૂર્ણપણે હાઈટેક થઈ ગયું છે. ગુજરાત સરકારના યુવક સેવા અને સાંસ્કૃતિક વિભાગ હેઠળના પુરાતત્વ અને સંગ્રહાલય નિયામકના દાવા અનુસાર, છેલ્લા 2 વર્ષમાં 16 લાખથી વધુ નાગરિકોએ રાજ્યના વિવિધ મ્યુઝિયમ્સની મુલાકાત લીધી છે. ડિજિટલ ટેક્નોલોજીના સમન્વયથી હવે મ્યુઝિયમ્સ માત્ર કલાકૃતિઓના સંગ્રહસ્થાન ન રહેતા, જ્ઞાન અને સંસ્કૃતિના જીવંત કેન્દ્રો બન્યા છે. ભૂતકાળમાં મ્યુઝિયમ એટલે માત્ર કાચની પેટીઓમાં રાખેલી જૂની મૂર્તિઓ કે સિક્કાઓ જોવાનું સ્થળ ગણાતું હતું. પરંતુ આજે રાજ્યના સંગ્રહાલયોમાં યુવા પેઢી પોતાની વિરાસતને માત્ર જુએ નહીં પણ જીવંત અનુભવી શકે તે માટે AR/VR (ઓગમેન્ટેડ અને વર્ચ્યુઅલ રિયાલિટી), 3D પ્રોજેક્શન મેપિંગ, હોલોગ્રામ અને ઇન્ટરેક્ટિવ ટચસ્ક્રીન જેવી આધુનિક ટેક્નોલોજીનો ઉપયોગ થઈ રહ્યો છે.