ગુજરાત ATSને મળી મોટી સફળતા, ધોળકા નજીક વેરહાઉસમાં 500 કિલો ટ્રામાડોલ ડ્રગ્સનો જથ્થો ઝડપ્યો

Ahmedabad News : ગુજરાતમાં કચ્છ સહિતના વિસ્તારોમાંથી મોટી માત્રામાં ડ્રગ્સ ઝડપાયાની ઘટનાઓ સામે આવતી હોય છે, ત્યારે અમદાવાદના ધોળકા નજીકના એક વેરહાઉસમાંથી 500 કિલોગ્રામ ડ્રગ્સનો જથ્થો ATSએ ઝડપી પાડ્યો છે. ATSએ આશરે 50 કરોડ કિંમતનું ડ્રગ્સ જપ્ત કરીને આગળની કાર્યવાહી હાથ ધરી.ધોળકામાંથી 500 કિલોગ્રામ ટ્રામાડોલ ડ્રગ્સ જથ્થો મળી આવ્યોગુજરાતના ખંભાતમાં ગત 24 જાન્યુઆરીએ ATSએ ગ્રીન લાઈફ ઈન્ડસ્ટ્રીમાંથી 107 કિલોગ્રામ ડ્રગ્સ ઝડપી 6 શખ્સોની ધરપકડ કરી હતી. સમગ્ર મામલે પોલીસે રણજીત ડાભી નામના આરોપીની પૂછપરછ કરતાં ખુલાસો થયો હતો કે, આરોપીએ ધોળકા ખાતે 500 કિલોગ્રામ ટ્રામાડોલ ડ્રગ્સનો જથ્થો છૂપાવીને રાખ્યો હતો.