ક્રેડિટ કાર્ડના ડેટાથી ઓનલાઇન મોબાઇલ ફોન ખરીદી કરીને છેતરપિંડી

Jun 9, 2025 - 03:00

Join our WhatsApp Community to receive travel deals, free stays, and special offers!
- Join Now -

અમદાવાદ, રવિવાર

અમદાવાદમાં ક્રેડિટ કાર્ડથી ઓનલાઇન મોબાઇલ ફોનની ખરીદી કરીને તેને રોકડેથી વેચાણ કરીને કમિશન મેળવીને છેતરપિડીના નાણાં ઝારખંડમાં મોકલતા યુવકને અમદાવાદ સાયબર ક્રાઇમ દ્વારા ઝડપી લેવામાં આવ્યો હતો. ઝડપાયેલા યુવકને ઝારખંડ સ્થિત ગેંગ દ્વારા આપવામાં આવતા ક્રેડિટ કાર્ડના ડેટા આપવામાં આવતા હતા. જેના આધારે તે ઓનલાઇન મોબાઇલ ફોનની ખરીદી કરતો હતો. આ અંગે અમદાવાદ સાયબર ક્રાઇમે વધુ તપાસ શરૃ કરી છે.

અમદાવાદ સાયબર ક્રાઇમના પીઆઇ જે પી ઠાકર અને તેમના સ્ટાફને બાતમી મળી હતી કે મકરબામાં આવેલા રતલામ કાફેમાં એક યુવક શંકાસ્પદ રીતે બેઠો છે અને તે ઓનલાઇન મોબાઇલ ખરીદીને તેને રોકડેથી વેચાણ કરીને નાણાં કેશ ડીપોઝીટ મશીનથી જમા કરાવીને ઝારખંડમાં મોકલી આપે છે.