આવી રીતે ભણશે ગુજરાત ? સુરત પાલિકા સંચાલિત હિન્દી માધ્યમની શાળામાં પુસ્તક મળ્યા નથીનો કકળાટ

Aug 20, 2025 - 14:30

Join our WhatsApp Community to receive travel deals, free stays, and special offers!
- Join Now -

Surat : સુરત પાલિકા સંચાલિત શાળા શરૂ થયાને ત્રણેક મહિનાનો સમય થઈ ગયો છે તેમ છતાં નવી શરૂ થયેલી હિન્દી માધ્યમની ત્રણથી ચાર શાળામાં અંગ્રેજી વિષયના પુસ્તકો મળ્યા નથી. આ પાઠ્યપુસ્તક આવ્યા નથી અને હાલ ત્રીમાસીક પરીક્ષા પણ શરૂ થઈ ગઈ છે તેથી પુસ્તકો અંગ્રેજી અને ગુજરાતી ભાષાની પરીક્ષા પાઠ્ય પુસ્તક વિના જ આપી રહ્યાં છે.

સુરત પાલિકા સંચાલિત નગર પ્રાથમિક શિક્ષણ સમિતિના શાસકોએ સત્ર શરૂ થયું અને ગણવેશ અને બુટ મોજા સાથે ભાજપના નેતાઓના ફોટાવાળી નોટબુકનું વિતરણ તો કરી દીધું છે. પરંતુ પાલિકાએ શરૂ કરેલી નવી શાળામાં પાઠ્ય પુસ્તકો હજી સુધી પહોંચાડી શક્યા નથી. પાલિકાએ હાલ નવી હિન્દી માધ્યમની શાળા શરૂ કરી છે અને તેમાં વિદ્યાર્થીઓ અભ્યાસ કરી રહ્યાં છે પરંતુ આ ત્રણથી ચાર હિન્દી માધ્યમની શાળા એવી છે કે જેમાં ગુજરાતી અને અંગ્રેજી ભાષાના પુસ્તકો હજી સુધી પહોંચ્યા નથી.