VIDEO: સાવરકુંડલામાં ભાજપ નેતા-વેપારીઓ પર હુમલો, ત્રણ આરોપી ઝડપાયા એક ફરાર

Savarkundla News : સાવરકુંડલામાં શહેર ભાજપના મહામંત્રી રાજુ નાગ્રેચા અને વેપારી સહિતના લોકો પર હુમલો થવાની ઘટના સામે આવી છે. જેમાં લોહાણા માજન સમાજની વાડી પાસે કેબિન હટાવવાનું કહેતા અજાણ્યા લોકોએ હુમલો કર્યો હોવાનું સામે આવ્યું છે. સમગ્ર ઘટના સીસીટીવીમાં કેદ થતાં વીડિયો સોશિયલ મીડિયામાં વાઈરલ થઈ રહ્યો છે. સમગ્ર ઘટનાને લઈને હિન્દુ સંગઠનોમાં ભારે રોષ જોવા મળી રહ્યો છે, ત્યારે ઘટનાની ગંભીરતાને ધ્યાનમાં રાખીને પોલીસ તંત્ર દોડતું થયું હતું. જેમાં પોલીસે ત્રણ આરોપીને ઝડપી પાડ્યાં છે, જ્યારે અન્ય એક ફરાર શખસની શોધખોળ શરુ છે.