Vadodara: શહેરમાં ઢોર પાર્ટી પર હુમલો કરનાર આરોપી ભાવેશ રબારીની ધરપકડ

Jun 11, 2025 - 20:00

Join our WhatsApp Community to receive travel deals, free stays, and special offers!
- Join Now -

વડોદરા શહેરમાં રખડતા ઢોરનો આંતક જોવા મળતો હોય છે. તેવામાં વડોદરા શહેરમાં ઢોર પાર્ટી પર 9મે એ હુમલો કરવાનો બનાવ બન્યો હતો. આ મામલે પોલીસે આરોપી ભાવેશ રબારીની ધરપકડ કરી છે. આરોપી ભાવેશ રબારી સામે અગાઉ પણ ગુના નોંધાયા છે. 9મે એ ગોરવામાં VMCની ટીમ ઢોર પકડવા ગઇ હતી. ઢોર માલિક ભાવેશ રબારી અને તેના કાકા આવ્યા હતા. VMCની ટીમ સાથે ઘર્ષણ કરી આરોપીઓ ઢોર છોડાવી ગયા હતા.

VMCની ટીમ સાથે ઘર્ષણ કરી આરોપીઓ ઢોર છોડાવી ગયા

વડોદરા શહેરના ગોરવામાં વસ્તારમાં ઢોર પાર્ટી 9મેં ના રોજ શહેરમાં રખડતા ઢોર પકડવા ગઈ હતી. મહાનગર પાલિકા દ્વારા રખડતા ઢોર દેખાતા તેમને ઝડપી પાડવાની કામગીરી હાથ ધરાઈ હતી. આ દરમ્યાન ઢોર માલિક ભાવેશ રબારી અને તેમના કાકા સ્થળ પર દોડી આવ્યા હતા. થાંભલા સાથે બાંધેલ ઢોરના દોરડાને ચપ્પુ વડે કાપી ઢોર છોડાવી ગયા હતા.

આરોપીએ સામે અગાઉ ઢોર પાર્ટી સાથે ઘર્ષણની ફરિયાદ

આરોપીએ ઢોર પાર્ટી ના કર્મીઓ સાથે ઘર્ષણ કર્યું હતું, અને કામગીરીમાં રૂકાવટ કરી હતી.પોલીસ દ્વારા આરોપી ભાવેશ રબારીની ધરપકડ કરવામાં આવી છે. આ આરોપી ભાવેશ રબારી સામે અગાઉ પણ ઢોર પાર્ટી સાથે ઘર્ષણ મામલે ફરિયાદ નોંધાઈ ચુકી છે.