Vadodara: ગાડીઓ ચોરી કરતી ગેંગ ઝડપાઈ, 149 જેટલી ચોરીના ગુનાઓ ઉકેલાયા

વડોદરા ક્રાઈમ બ્રાન્ચે ફોર વ્હીલર કારની ચોરી કરતી આખી ટોળકીને ઝડપી પાડી છે. ટોળકી ઝડપાતા જ 149 જેટલી કાર ચોરીના ગુનાઓ ઉકેલી કાઢવામાં સફળતા ક્રાઈમ બ્રાન્ચને મળી છે. જેનો માસ્ટર માઈન્ડ તબીબ હોવાનું પણ બહાર આવ્યું છે.ક્રાઈમ બ્રાન્ચે બાતમીને આધારે હરેશ માણીયાની ધરપકડ કરી તમને જણાવી દઈએ કે ક્રાઈમ બ્રાન્ચને માહિતી મળી હતી કે અમદાવાદના બાવડા જિલ્લાનો હરેશ માણીયા કાર ચોરીના ગુનામાં હિસ્ટ્રી શીટર છે અને હાલ વડોદરામાં છે, જેથી ક્રાઈમ બ્રાન્ચે બાતમીને આધારે હરેશ માણીયાની ધરપકડ કરી પૂછપરછ કરતા તેને વટાણા વેરી દીધા હતા અને તેના ભાઈ અરવિંદ માણીયા અને ભંગારના વેપારી તાહેર ત્રિવેદી સાથે મળી વડોદરામાં પૂર અગાઉ ત્રણ કાર સહિત અત્યાર સુધી ત્રણેય લોકોએ ભેગા મળીને અને અલગ અલગ મળી કુલ 149 કાર ચોરી કરી છે. ટોળકીએ 144 કારની ચોરી તો ફક્ત અમદાવાદમાંથી જ કરી તેઓએ અત્યાર સુધી 144 કારની ચોરી તો ફક્ત અમદાવાદમાંથી જ કરી છે અને ચોરીની તમામ કાર તેઓ રાજકોટમાં ભંગારનો ડેલો ચલાવનાર તાહિર ત્રિવેદીને આપી કારને છૂટી કરી ભંગારમાં વેચી ચોરીનો મનસૂબો પાર પાડતા હતા. મહત્વનું છે કે મુખ્ય આરોપી હરેશ માણીયાએ યુનાનીમાં BEMSનો કોર્સ કર્યો છે અને અગાઉ અમદાવાદ જિલ્લાના બાવળામાં શ્રીજી ક્લિનિક ચલાવતો હતો અને બાદમાં ભાઈ સાથે મળી કાર ચોરી શરૂ કરી હતી, તેમજ તેની સામે પત્નીને શારીરિક માનસિક ત્રાસ અને નશાકારક સીરપ સંબંધના NDPSનો ગુનો નોંધાયેલો છે.