Uttar Pradesh : ભારે વરસાદને પગલે 26 જિલ્લામાં શાળા-કોલેજો રહેશે બંધ, જિલ્લા વહીવટીતંત્રેએ લીધો નિર્ણય

દેશભરના ઘણા વિસ્તારોમાં ચોમાસુ ફરી એકવાર ખૂબ સક્રિય થઈ ગયું છે. ભારે વરસાદ અને પૂરને કારણે ઉત્તર પ્રદેશના ઘણા જિલ્લાઓમાં જનજીવન ખોરંભે ચડ્યું છે. હવે વહીવટીતંત્રે વિદ્યાર્થીઓની સુરક્ષાને ધ્યાનમાં રાખીને ઘણા જિલ્લાઓમાં શાળાઓ અને કોલેજો બંધ રાખવાનો આદેશ જાહેર કર્યો છે. જિલ્લા વહીવટીતંત્રએ શાળાઓને આદેશનું પાલન કરવા કડક આદેશ આપ્યો છે. આ આદેશની અસર પ્રયાગરાજ, સીતાપુર, અલીગઢ, જાલૌન અને લખીમપુર ખેરી સહિત ઘણા જિલ્લાઓમાં જોવા મળશે.

જિલ્લા વહીવટીતંત્રેએ લીધો નિર્ણય

છેલ્લા ઘણા દિવસોથી પ્રયાગરાજ, સીતાપુર, જાલૌન, અલીગઢ, કાનપુર અને લખીમપુર ખીરી સહિત ઘણા જિલ્લાઓમાં સમયાંતરે વરસાદ પડી રહ્યો છે. હવામાન વિભાગે આગામી દિવસોમાં આ જિલ્લાઓ માટે ભારે વરસાદની ચેતવણી પણ જાહેર કરી છે. પ્રયાગરાજમાં પરિસ્થિતિ એવી છે કે ગંગાનું પાણી અહીંના લોકોના ઘરોમાં પહોંચી ગયું છે. વિસ્તારોમાં અનેક ફૂટ સુધી પાણી ભરાઈ ગયા છે. આને ધ્યાનમાં રાખીને જિલ્લા વહીવટીતંત્રે 5થી 7 ઓગસ્ટ સુધી અહીંની બધી શાળાઓ બંધ રાખવાનો નિર્ણય લીધો છે.

વરસાદને કારણે શાળાઓ બંધ રાખવાનો નિર્ણય

આ આદેશ પૂર્વ-પ્રાથમિકથી લઈને 12મા ધોરણ સુધીની બધી શાળાઓને લાગુ પડશે. જાલૌન અને લખીમપુર ખેરી જિલ્લા વહીવટીતંત્રે 5 અને 6 ઓગસ્ટના રોજ પૂર્વ-પ્રાથમિકથી લઈને 8મા ધોરણ સુધીની શાળાઓમાં રજા જાહેર કરી છે. આ આદેશ તમામ સરકારી, સહાયિત, માન્ય તેમજ ખાનગી શાળાઓ માટે માન્ય રહેશે. અલીગઢ, સીતાપુર અને કાનપુરમાં ભારે વરસાદને ધ્યાનમાં રાખીને 5 ઓગસ્ટ માટે શાળાઓ બંધ રાખવાનો નિર્ણય લેવામાં આવ્યો છે.

સીતાપુર અને અલીગઢમાં પણ શાળાઓ બંધ

સીતાપુરમાં, ધોરણ 1થી 8 સુધીની બધી શાળાઓ એક દિવસ માટે બંધ રહેશે, જ્યારે અલીગઢ અને કાનપુરમાં, નર્સરીથી 12મા સુધીની બધી શાળાઓ એક દિવસ માટે બંધ રહેશે. ભારે વરસાદ અને પૂરને ધ્યાનમાં રાખીને વારાણસીમાં 5 અને 6 ઓગસ્ટના રોજ 12મા સુધીની બધી શાળાઓ બંધ રાખવાનો નિર્ણય લેવામાં આવ્યો છે. આ ઉપરાંત, સિદ્ધાર્થનગર, લખનૌ, અયોધ્યા, અમેઠી, રાયબરેલી, મિર્ઝાપુર, સંભલ, બારાબંકી, ભદોહી, બરેલી, મુરાદાબાદ, આંબેડકર નગર, ગાઝીપુર, બાંદા, ચિત્રકૂટ, એટાહ, રામપુર, બદાયૂં, બહરાઇચ અને અમરોહામાં શાળાઓ બંધ રાખવાનો નિર્ણય લેવામાં આવ્યો છે. વરસાદને કારણે, ઘણા વિસ્તારોમાં પાણી ભરાઈ જવા, કાદવ અને ખરાબ રસ્તાઓના કારણે વિદ્યાર્થીઓને શાળાએ પહોંચવામાં ઘણી મુશ્કેલીઓનો સામનો કરવો પડી રહ્યો હતો. તેમની સલામતી પણ જોખમમાં હતી. આને ધ્યાનમાં રાખીને શાળાઓ બંધ રાખવાનો નિર્ણય લેવામાં આવ્યો છે.