Thangadh: ભડુલા સીમ વિસ્તારમાંથી ગેરકાયદેસર ખનીજ ચોરી ઝડપાઈ

થાનગઢ તાલુકાના ભડુલા ગામની સીમમાં ગેરકાયદેસર કાર્બોસેલની ઉંડા કુવામાંથી ખનિજચોરી થતી હોવાની સુરેન્દ્રનગર જિલ્લા ખાણ ખનીજ અધિકારી જગદીશ વાઢેરને બાતમી મળતાની સાથે જ કલેકટર કે. સી. સંપટના માર્ગદર્શન મુજબ ખનીજની ટીમે સીમ વિસ્તારમાં રેડ કરી હતી.રેડમાં ખનીજ ટીમે ચાર ઉંડા કુવામાંથી ખનીજ ચોરી થતી હોવાનું ઝડપી લીધું હતું. અહી કુવામાંથી કાર્બોસેલનું તાજું ખનન પણ મળી આવ્યું હતું. સ્થળ ઉપરથી ચરખીના 8 સેટ, લોખંડના પાઈપ જપ્ત કરી થાનગઢ મામલતદાર કચેરીએ સીઝ કર્યા હતા. બીજી તરફ્ ખનીજ ચોરી કરતા ઉંડા કુવા વાળી જગ્યાની તપાસ કરી આગળની કાર્યવાહી કરવાની ખનીજ વિભાગે તજવીજ હાથ ધરી છે.