Suratના અમરોલી બ્રિજ પર BRTS બસે કારને મારી ટક્કર, સદનસિબે જાનહાની ટળી

સુરતના અમરોલી વિસ્તારમાં આવેલા અમરોલી બ્રિજ પર એક બીઆરટીએસ અને કાર વચ્ચે સર્જાયો અકસ્માત. આ અકસ્માતમાં બીઆરટીએસ બસે કારને પાછળથી આવીને ટક્કર મારી હતી. બ્રિજ પર વાહનોની અવર જવર ચાલુ રહેતા આ બંને વાહનોની ગતિ મર્યાદિત હતી. જેના કારણે સદનસિબે કોઈ જાનહાની થઈ નહોતી.

કારચાલકે અચાનક બ્રેક મારતા સર્જાયો હતો અકસ્માત

આ ઉપરંત મળતી માહિતી અનુસાર અમરાલી બ્રિજ પર જ્યારે બીઆરટીએસ બસ જઈ રહી હતી ત્યારે તે બસની આગળ એક સફેદ કાર પણ જઈ રહી હતી. વાહનોની અવર જવર ચાલુ હોવાના કારણે આ કારની આગળ કોઈ સાધન આવી જતા તે કારચાલકે અચાનક બ્રેક મારી હતી. કારચાલકે અચાનક બ્રેક મારતા પાછળ આવી રહેલી બસને બ્રેક મારવાનો પણ સમય મળ્યો નહોતો. જેના પરિણામે બીઆરટીએસ બસ કારના પાછળના ભાગે ધડાકાભેર અથડાઈ હતી.

બસમાં લાગેલા સીસીટીવી કેમરામાં કેદ થઈ હતી સમગ્ર ઘટના

આ સમગ્ર ઘટનાનો વિડીયો બીઆરટીએસ બસમાં લાગેલા સીસીટીવી કેમરામાં કેદ થયો હતો. આ સીસીટીવીમાં અકસ્માતની સમગ્ર ઘટના કેદ થયો હતો. જેના કારણે સમગ્ર ઘટાનાની સ્પષ્ટતા પણે તપાસ થઈ શકશે. આ અકસ્માતની જાણ થતા પોલીસ તાત્કાલિક ઘટના સ્થળે પહોંચી ગઈ હતી. પોલીસે તાત્કાલિક ઘટના સ્થળે પહોંચીને સમગ્ર મામલો સંભાળ્યો હતો. આ ઉપરાંત પાલીસે જરૂરી કાર્યવાહી હાથ ધરી હતી. તથા પોલીસ દ્વારા સ્થાનિકોને ટ્રાફિક નિયમોના પાલન કરવા પર ભાર મુક્યો હતો.