Surat Crime News: સુરતના ડિંડોલીમાં કારમાંથી 1.78 લાખનો વિદેશી દારૂ જપ્ત, એકની ધરપકડ

સુરત શહેરમાં ગેરકાયદે દારૂની હેરાફેરી અને વેચાણ સામે પોલીસે ઝુંબેશ તેજ કરી છે. જેના ભાગરૂપે ડિંડોલી પોલીસ સ્ટેશનની ટીમે મળેલી ચોક્કસ બાતમીના આધારે દરોડો પાડીને એક ઈસમને ગેરકાયદે વિદેશી દારૂના જથ્થા સાથે પકડી પાડ્યો છે. પોલીસે સ્થળ પરથી દારૂ તેમજ હેરાફેરીમાં વપરાયેલી ફોર-વ્હીલર કાર સહિતનો મુદ્દામાલ જપ્ત કર્યો છે.

રૂપિયા 4.82 લાખથી વધુનો કુલ મુદ્દામાલ જપ્ત

ડિંડોલી પોલીસે હાથ ધરેલી આ સફળ કામગીરી દરમિયાન આરોપી કિશન ગીરીશભાઈ સોંદરવાની અટકાયત કરવામાં આવી છે. પોલીસે આરોપી પાસેથી રૂપિયા 1,78,224 ની કિંમતનો વિદેશી દારૂનો જથ્થો કબજે કર્યો છે. આ ઉપરાંત દારૂની હેરાફેરી માટે ઉપયોગમાં લેવાયેલી ફોર-વ્હીલર કાર અને મોબાઈલ ફોન મળીને કુલ રૂપિયા 4,82,224 નો મુદ્દામાલ પોલીસે જપ્ત કર્યો છે.

પોલીસે ગુનો નોંધી વિવિધ દિશામાં તપાસ શરૂ કરી

આ સમગ્ર મામલે ડિંડોલી પોલીસે આરોપી વિરુદ્ધ પ્રોહિબિશન એક્ટ હેઠળ ગુનો નોંધીને કાયદેસરની કાર્યવાહી હાથ ધરી છે. આરોપી કેટલા સમયથી દારૂના આ કાળા કારોબાર સાથે જોડાયેલો હતો? આ દારૂનો જથ્થો ક્યાંથી લાવવામાં આવ્યો હતો અને સુરતમાં કોને સપ્લાય કરવાનો હતો? તે તમામ દિશામાં પોલીસે ઊંડાણપૂર્વકની તપાસ હાથ ધરી છે.

આ પણ વાંચો: Surat Crime News: અમરોલી પોલીસે 1.997 કિલોગ્રામ ગાંજાના જથ્થા સાથે એક ઝડપાયો