Suratમાં નબીરાઓએ ફરી કર્યા સીનસપાટા, બેફામ રીતે કાર હંકારી રોડને બાનમાં લીધો

સુરત શહેરમાં જાણે નબીરાઓ પોલીસને પડકાર ફેંકતા હોય તેવું લાગી રહ્યું છે,ફેરવેલના નામે ફરી કાર લઇ નબીરાઓએ જાહેર રોડ પર સ્ટંટ કર્યા હોવાની વાત સામે આવી છે,આ સમગ્ર ઘટનાને લઈ વીડિયો સોશિયલ મીડિયામાં વાયરલ થયો છે,ત્યારે જાહેર રોડ પર બેફામ રીતે ધૂળ ઉડાડીને નબીરાઓએ સ્ટંટ કરતા લોકો પણ રોષે ભરાયા હતા.

સુરતમાં વધુ એકવાર નબીરાઓના સીનસપાટા

સુરતમાં નબીરાઓ બેફામ બન્યા છે તેવો વીડિયો સોશિયલ મીડિયામાં વાયરલ થયો છે.ઉધના વિસ્તારમાં ફેરવેલના નામે નબીરાઓ રોલા પાડતા નજરે ચડયા હતા તો ગાડીના દરવાજાની બહાર બેસી જોખમી સ્ટંટ કર્યા હતા તો સુરત શહેરમાં પોલીસ પણ આવા નબીરાઓને કાયદાનો પાઠ ભણાવવામાં કાચી પડી રહી છે,નબીરાઓને સુધરવુ તો છે નહી પણ પોલીસ જરા કાયદાનો પાઠ ભણાવશે તો જરૂર સુધરશે,આ સમગ્ર વીડિયોને લઈ પોલીસે હજી પોલીસ ફરિયાદ નોંધી નથી.

ગોડાદરા વિસ્તારમાં આવેલી એકેડમીના નબીરાઓ બેફામ બન્યા હતા ( 14-02-2025 )

ગોડાદરા વિસ્તારમાં આવેલી એકેડમીના નબીરાઓ બેફામ બન્યા હતા,જેમાં ફેરવેલ પૂર્ણ થયા બાદ નબીરાઓએ જાહેરમાં સીનસપાટા કર્યા હતા,એક સાથે જાહેરમાં કાર ચલાવી અને રોડ જાણે બાનમાં લીધો હોય તેવું લાગ્યું હતુ,તો ગોડાદરા પોલીસે વીડિયોના આધારે તપાસ હાથધરી હતી.યુવકો કયાંના હતા અને તેમની પાસે લાયસન્સ છે કે નહી તે દિશામાં પણ પોલીસે તપાસ હાથધરી હતી.મહત્વનું છે કે અવાર-નવાર આવા વીડિયો સોશિયલ મીડિયામાં વાયરલ થતા હોય છે ત્યારે માતા-પિતા પણ કંઈ સમજયા વિના તેમના બાળકોને કાર આપી દે છે,જયારે કોઈ મોટી ઘટના બનશે તો કોણ જવાબદાર રહેશે.

સુરતમાં ધોરણ 12ના વિદ્યાર્થીઓ ફેરવેલમાં ભૂલ્યા ભાન ( 10-02-2025 )

સુરતમાં સોશિયલ મીડિયામાં એક વીડિયો વાયરલ થયો હતો જેમાં સામે આવ્યું છે કે ધોરણ 12ના વિધાર્થીઓ મોંઘીદાટ કાર લઈને રોડ પર નીકળ્યા હતા અને કારમાં રૂફટોપ ખોલીને સીનસપાટા કર્યા હતા,ઘણા વિધાર્થીઓએ હાથમાં ફાયર ગન સાથે શો બાજી કરી હતી અને દરવાજા બહાર લટકીને વિદ્યાર્થીઓએ હંગામો કર્યો હતો,અડધો કલાક કરતા પણ વધારે સમયથી ટ્રાફિકજામ સર્જાયો હતો અને વિદ્યાર્થીઓએ પોતાનો જીવને જોખમમાં મૂકીને કલરબાજી કરી હતી.