Suratમાં આરટીઓએ સ્ટંટ કરતા 19 નબીરાઓના લાયસન્સ 3 મહિના માટે કર્યા રદ

સુરતમાં નબીરાઓેને રોડ પર સીનસપાટા કરવા ભારે પડી ગયા હતા,સુરત RTOએ 19 કારચાલકના લાયસન્સ સસ્પેન્ડ કર્યા છે જેમાં લાયસન્સ જપ્ત કરી 90 દિવસ માટે સસ્પેન્ડ કર્યા છે,વિધાર્થીઓએ થોડા દિવસ અગાઉ રોડ પર ફેરવેલ પાર્ટીના નામે રોડ જામ કર્યો હતો જેને લઈ પોલીસ અને સુરત આરટીઓએ કાર્યવાહી કરી છે,હવે વાહન હંકારતા ઝડપાશે તો કાર્યવાહી કરાશે.

DEOએ ફાઉન્ટેન હેડ સ્કૂલને ફટકારી હતી નોટિસ

સમગ્ર ઘટનાને લઈ ડીઈઓએ ફાઉન્ટેન હેડ સ્કૂલને નોટિસ પણ ફટકારી હતી અને નોટિસ આપી 2 દિવસમાં માગ્યો હતો ખુલાસો,ફેરવેલમાં કારનો કાફલો સ્કૂલ બહાર હોવાનો જવાબ આવ્યો હતો જેમાં વીડિયો વાયરલ થતા પોલીસે કરી હતી કાર્યવાહી.હવે આ કારચાલકો આગામી 90 દિવસ સુધી વાહન હંકારી શકશે નહીં.

સુરતમાં ધો 12ના વિદ્યાર્થીઓ ફેરવેલમાં ભૂલ્યા હતા ભાન

સુરતમાં સોશિયલ મીડિયામાં એક વીડિયો વાયરલ થયો છે જેમાં સામે આવ્યું છે કે ધોરણ 12ના વિધાર્થીઓ મોંઘીદાટ કાર લઈને રોડ પર નીકળ્યા હતા અને કારમાં રૂફટોપ ખોલીને સીનસપાટા કર્યા હતા,ઘણા વિધાર્થીઓએ હાથમાં ફાયર ગન સાથે શો બાજી કરી હતી અને દરવાજા બહાર લટકીને વિદ્યાર્થીઓએ હંગામો કર્યો હતો,અડધો કલાક કરતા પણ વધારે સમયથી ટ્રાફિકજામ સર્જાયો હતો અને વિદ્યાર્થીઓએ પોતાનો જીવને જોખમમાં મૂકીને કલરબાજી કરી હતી.

સીન સપાટા માટે ડ્રોન કેમેરાથી વીડિયો બનાવ્યો હતો

વાત સીનસપાટાથી પતી નથી જતી પરંતુ વિધાર્થીઓએ ડ્રોન કેમેરાથી વીડિયો બનાવ્યો અને તે વીડિયો સોશિયલ મીડિયામાં મૂકયો હતો,જાણે વિધાર્થીઓએ કોઈ મોટી સિદ્ધી હાંસલ કરી હોય તેમ સીનસપાટા કર્યા હતા,ભાઈ હજી તો ધોરણ 12માં છો અને આવું કરો છો,તો તમે કોલેજમાં આવશો તો શું કરશો તે દેખાઈ આવે છે તમારી હરકત પરથી,વિદ્યાર્થીઓ ઓલપાડની ફાઉન્ટેડ હેડના સ્કૂલના છે.સ્કૂલમાં ફેરવેલના નામે હંગામો કર્યો હોવાની વાત સામે આવી છે.