Sayla: નડાળામાં ભાદર નદી કાંઠેથી દેશી દારૂની ભઠ્ઠી પકડાઈ, 1 શખ્સ પકડાયો

Sep 15, 2025 - 05:30

Join our WhatsApp Community to receive travel deals, free stays, and special offers!
- Join Now -

તાલુકાના અંતરિયાળ અને છેવાડાના નડાળા ગામની સીમમાં આવેલા ભાદર નદીના કાંઠા વિસ્તારમાં દેશી દારૂની ભઠ્ઠી ધમધમી રહી હોવાની બાતમીને લઈ સુરેન્દ્રનગર લોકલ ક્રાઇમ બ્રાન્ચની ટીમે ઓચિંતો છાપો મારતાં ગેરકાયદે મોટાપાયે ચાલતા દેશી ઉત્પાદન કેન્દ્રનો પર્દાફાશ થયો હતો. લોકલ ક્રાઇમ બ્રાન્ચે દરોડા સ્થળેથી ભઠ્ઠી સંચાલક પૈકીના એક એવા નડાળા વના ધીરૂભાઇ ધરજીયાને દબોચી લેવા સાથે પ્લાસ્ટિકના બેરલોમાં ભરેલો 3,200 લીટર આથો, દેડકો મોટર, મોબાઇલ સહિત કુલ રૂ. 90 હજારનો મુદ્દામાલ જપ્ત કર્યો હતો. પોલીસ તપાસ દરમિયાન નડાળાના જયદીપ ઉર્ફે જયુ માણસીભાઇ ખવડ, કાળુ માણસીભાઈ ખવડ તથા છૈડાના દેવેન્દ્ર ઉર્ફે દેવલુ જયવંતભાઇ ચાવડા મળીને કુલ ચાર શખ્સો દ્વારા આ કારસ્તાન ચલાવાઇ રહ્યું હતું. ત્યારે તમામ વિરુધ્ધ પ્રોહીબીશન એક્ટ હેઠળ ગુનો દાખલ કરી ફરાર ત્રણ આરોપીને પકડવાના ચક્રો ગતિમાન કરાયા હતા.