Sabarkantha: વિકાસના નામે વહિવટ..! તા.પંચાયત કચેરીના કર્મચારી 31 હજારની લાંચ લેતા ઝડપાયો

સાબરકાંઠાના પોશીનામાં વિકાસના નામે વહિવટ કરતો તાલુકા પંચાયત કચેરીનો લાંચિયો કર્મચારી ACBના છટકામાં રંગે હાથ ઝડપાયો છે. આ લાંચિયો અધિકારીએ સરકારની વિવિધ વિકાસના કામોની ડીપોઝીટમાં વહિવટ કરવા બાબાતે લાંચ માગતા ACBએ ઝડપી પાડ્યો છે. મળતી માહિતી મુજબ, પોશીનામાં વિકાસના નામે અધિક મદદનીશ ઇજનેર (વર્ગ-૩)ના કીર્તિકુમાર  અને ટેકનિકલ આસિસ્ટન્ટ જીગર પટેલ ACBના છટકામાં ભેરવાયા છે. આ લાંચિયો અધિકારી 2017 થી 2021 સુધીમાં પોશીના વિસ્તારમાં સરકારની વિવિઘ વિકાસના કામો કરેલ જે કામોની ડીપોઝીટ 2,50.000જમા હતી જે નાણા પરત મેળવવા સારુ આ કામના  ફરિયાદીએ આ કામ કરનારા આરોપીને મળી રજુઆત કરતા આ કામના આરોપીએ ફરિયાદીના કાયદેસર કામ કરી આપવાની અવેજ પેટે 2,50,000 ડીપોઝીટના નાણા પરત આપવા રૂપિયા 31,000ની ગેરકાયદેસર રીતે લાંચની માગણી કરી હતી.સમગ્ર મામલે જાગૃત નાગરિકે લાંચ માટે નાણા ન આપવા માગતા હોવાથી તેણે ACBનો સંપર્ક કર્યો હતો. ફરીયાદીએ બનાસકાંઠા ACBનો સંપર્ક કરીને ફરીયાદ નોંધાવ્યા બાદ ACBએ ફરિયાદના આધારે ગોઠવેલા લાંચના છટકા દરમિયાન આ કામના આરોપી ફરિયાદી સાથે હેતુલક્ષી વાતચીત કરી લાંચની રકમ સ્વીકારી બન્ને આરોપીઓને રંગેહાથ ઝડપી પાડ્યા હતા. પોલીસે બન્ને અધિકારીઓની ધરપકડ કરીને આગળની કાર્યવાહી હાથ ધરી છે.