Rajula News: રાજુલાના સાજણાવાવ ગામના સરપંચે આંગણવાડીની મહિલા કર્મચારીને બિભત્સ ઈશારા કરીને છેડતી કરી

ગુજરાતમાં મહિલાઓ સુરક્ષિત નથી એ વાત હવે ખરા અર્થમા સાબિત થઈ હોય તેવી ઘટના પ્રકાશમાં આવી છે. રાજુલાના સાજણાવાવ ગામના સરપંચ સામે આંગણવાડીની મહિલા કર્મચારીએ છેડતીની ફરિયાદ નોંધાવતા ખળભળાટ મચી જવા પામ્યો છે. પોલીસે ફરિયાદના આધારે વધુ તપાસ હાથ ધરી છે.

સરપંચ પોપટ જોગરણા સામે પોલીસ ફરિયાદ નોંધાઈ

પ્રાપ્ત વિગતો પ્રમાણે રાજુલાના સાજણાવાવ ગામના સરપંચ પોપટ જોગરણા દ્વારા આંગણવાડીની મહિલા કર્મચારી સામે બિભત્સ ઈશારા કરી છેડતી કરી હોવાની ફરિયાદ નોંધાવાઈ છે. આંગણવાડીની મહિલાએ સરપંચ સામે છેડતી કર્યાનો આક્ષેપ કરવામાં આવ્યો છે. સરપંચ સામે છેડતીની ફરિયાદ થતાં સમગ્ર પંથકમાં ખળભળાટ મચી જવા પામ્યો છે. ગામમાં લોકોના નેતા તરીકે ચૂંટાઈ આવનાર સરપંચ સામે છેડતીની ફરિયાદ થતાં અનેક સવાલો ઉભા થયાં છે.

પોલીસે ફરિયાદના આધારે તપાસ હાથ ધરી

તાજેતરમાં આંગણવાડીની મહિલાઓને ન્યૂડકોલ કરીને હેરાનગતિ કરવાનો મામલો સામે આવ્યો હતો. હવે રાજુલાના સાજણાવાવ ગામના સરપંચ પોપટ જોગારાણા સામે આંગણવાડીની મહિલા કર્મચારીએ બિભત્સ ઈશારા કરીને છેડતી કરી હોવાની ફરિયાદ નોંધાવાઈ છે. પોલીસે મહિલાની ફરિયાદને આધારે સરપંચ પોપટની ધરપકડ કરવા પોલીસે કવાયત હાથ ધરી છે.