Limbdi: હાઈવે ઉપર બે કન્ટેનરમાંથી પોલીસે વિદેશી દારૂનો જથ્થો ઝડપ્યો

લીંબડી અમદાવાદ હાઈવે પર એલસીબી તથા પેરોલ ર્ફ્લો સ્કોવડની ટીમે મળેલી બાતમીના આધારે પાણશિણા નજીક ખોડીયાર હોટલ સામે વોચ ગોઠવી વિદેશી દારુનો જથ્થો ભરેલું કન્ટેનર પકડી પાડયું હતું. કન્ટેનરમાં ચોર ખાના બનાવીને દારુની હેરાફેરી થઈ રહી હતી. પોલીસે કન્ટેનરમાંથી વિદેશી દારૂની બોટલ નંગ 6,660 કિંમત રૂ. 83.50 લાખ, ટ્રેલર ટ્રક, એક મોબાઈલ ફોન મળીને કુલ રૂ. 93.60 લાખનો મુદામાલ કબજે કરી ટ્રક ચાલક ગોસાઈરામ મગારામ સુરતારામને ઝડપી પાડયો હતો. તેમજ પોલીસે વિદેશી દારુનો જથ્થો મંગાવનાર તથા રાહુલભાઈ નામના વ્યક્તિ વિરુધ્ધ ગુનો નોંધી વધુ તપાસ લીંબડી પોલીસે હાથ ધરી છે. જ્યારે પાણશીણા હાઇવે પર ચેકપોસ્ટ ખાતે સ્થાનિક પોલીસ મોડી રાત્રે વાહન ચેકીંગ રાજસ્થાન પાર્સિંગના એક કન્ટેનરમાંથી વિદેશી દારૂની પેટી નંગ 230, બોટલો નંગ 7,944, કિંમત રૂ.1.01 કરોડ, ટ્રક તથા મોબાઇલ ફોન મળી કુલ રૂ. 1.13 કરોડનોનો મુદામાલ કબજે કરી ટ્રક ચાલક કેહરારામ હરખારામ જાટ રહે. બાડમેરને ઝડપી લઇ પાણશિણા પોલીસે ગુનો નોંધી વધુ તપાસ હાથ ધરી છે.