Leopard Sighting: ભરૂચના સિલુડી ગામે દીપડો દેખાતા સ્થાનિકોમાં ફફડાટ

ભરૂચના વાલીયા તાલુકામાં દીપડાએ દેખા દીધીફાર્મ હાઉસ નજીક દીપડો લટાર મારતા દેખાયો શિકારની શોધમાં આંટાફેરા મારતો દીપડો દેખાયો મોટા પ્રમાણમાં જંગલ વિસ્તાર ધરાવતા ભરૂચ જિલ્લામાં છેલ્લા કેટલાય સમયથી અવારનવાર દીપડો દેખાયાં સમાચારો સામે આવતા રહે છે ત્યારે ભરૂચના વાલીયા તાલુકાના ગામ માંથી એક વાર ફરી દીપડો દેખાયાની ચર્ચાએ જોર પકડતા લોકોમાં ફફડાટ ફેલાયો છે. વાત છે ભરૂચ જિલ્લાના વાલિયા તાલુકાની જ્યાં વાર તહેવારે દીપડો લટાર મારતો જોવા મળે છે. ત્યાર, આ વખતે વાલીયા તાલુકાના સિલુડી ગામ નજીક આવેલ એક ફાર્મ હાઉસ પાસે એક ખૂનકાર દીપડો લટાર મારતો જોવા મળ્યો હતો. ફાર્મહાઉસની દિવાલ પાસે દીપડો લટાર મારતો નજરે પડ્યો હતો. શિકારની શોધમાં આટાફેરા મારતો દીપડો ફાર્મહાઉસના સીસીટીવી કેમેરામાં કેદ થયો હતો. જોકે હજુ સુધી દીપડા દ્વારા કોઈ પશુનું મારણ કર્યું હોવાના સમાચાર સામે આવ્યા નથી. પરંતુ, દીપડાની દહેશતથી સ્થાનિકોમાં ફફડાટ ફેલાયો છે.