Junagadh સિવિલ હોસ્પિટલના ટ્રોમા વોર્ડમાં છરી અને સ્ટેન્ડ ઉછાળી ખુલ્લેઆમ મારામારી!

ગુજરાતની સરકારી હોસ્પિટલોમાં સુરક્ષા અને વહીવટી વ્યવસ્થાને લઈને અત્યંત ચોંકાવનારી અને શરમજનક ઘટના જૂનાગઢમાંથી સામે આવી છે. જૂનાગઢની સરકારી સિવિલ હોસ્પિટલના ટ્રોમા વોર્ડ ખાતે અચાનક જ અફરાતફરી મચી ગઈ હતી, જ્યાં દર્દીઓના સગાઓ દ્વારા બેફામ ગુંડાગર્દી આચરવામાં આવી હતી. હોસ્પિટલના અત્યંત સંવેદનશીલ ગણાતા ટ્રોમા વોર્ડની અંદર જ છરી અને લોખંડના સ્ટેન્ડ ઉછાળીને ખુલ્લેઆમ ખૂની મારામારી કરવામાં આવતા દર્દીઓ અને સ્ટાફમાં ભયનો માહોલ છવાઈ ગયો હતો.

સિક્યુરિટી ગાયબ, સુપરિન્ટેન્ડેન્ટ પણ ઘટનાથી અજાણ

આ ગંભીર ઘટનાએ હોસ્પિટલની સુરક્ષા વ્યવસ્થાવેળાની પોલ ખોલી નાખી છે. મારામારી ચાલી રહી હતી તે દરમિયાન હોસ્પિટલના સુરક્ષાકર્મીઓ (સિક્યુરિટી ગાયબ) નજરે પડ્યા ન હતા, જેના કારણે વહીવટી તંત્રની ઘોર બેદરકારી સ્પષ્ટપણે દેખાઈ આવે છે. આટલી મોટી અને ગંભીર ઘટના બની હોવા છતાં હોસ્પિટલના સુપરિન્ટેન્ડેન્ટ પણ આ ઘટનાથી અજાણ હોવાનું સામે આવ્યું છે. જવાબદાર અધિકારીઓની આ પ્રકારની ઉદાસીનતાના કારણે દર્દીઓની સુરક્ષા હાલ ભગવાનભરોષે ચાલી રહી છે.

દર્દીઓ અને નાગરિકોમાં રોષ, જવાબદારો સામે કડક કાર્યવાહીની માંગ

હોસ્પિટલ જેવા પવિત્ર અને સેવાકીય સ્થળે જ્યાં લોકો જીવ બચાવવા માટે આવે છે, ત્યાં જ જો આ પ્રકારે શસ્ત્રો સાથે ખુલ્લેઆમ ખૂની ખેલ રમાતો હોય તો સામાન્ય નાગરિકોએ ક્યાં જવું તે મોટો પ્રશ્ન બની ગયો છે. આ બનાવને પગલે શહેરમાં ભારે ચર્ચા જાગી છે અને તંત્ર દ્વારા આવા અસામાજિક તત્વો અને જવાબદાર બેદરકાર અધિકારીઓ સામે ક્યારે કડક કાર્યવાહી કરવામાં આવશે તેવા સવાલો ઉઠી રહ્યા છે.

ગુજરાતના વધુ સમાચાર વાંચવા માટે ક્લિક કરો