Jambusar માં વીજ કંપનીના દરોડા : વીજ ચોરી ઝડપાઈ

દક્ષિણ ગુજરાત વીજ કંપની દ્વારા વીજ ચોરી પકડવા માટે વખતો વખત જંબુસર નગર સહિત પંથકમાં દરોડા પાડી મોટા પાયે વીજ ચોરી ઝડપી પાડે છે. હાલ શિયાળાની કડકડતી ઠંડી હોય લોકો મીઠી નિંદર માણી રહ્યા હતા.ત્યારે વીજ કંપની ની 40 થી વધુ ટીમે વીજ ચોરી અટકાવવા વહેલી સવારે આશરે 6 ના અરસામાં જંબુસર નગર ના કપાસિયાપુરા,ભાગલીવાડ,તલાવપુરાજલાલપુરા સહિત ગ્રામ્ય વિસ્તારમા કાવી, દહેગામ, સીગામ, ભદકોદ્રા ગામના વિસ્તારોમાં ડીજીવીસીએલ કર્મચારીઓએ ચુસ્ત પોલીસ બંદોબસ્ત સાથે દરોડા પાડી વીજ ચેકિંગ હાથ ધર્યું હતું. આકસ્મિક વીજ ચેકિંગ હાથ ધરાતા વીજ ચોરોમાં ફફડાટ વ્યાપી ગયો હતો. અને કડકડતી ઠંડીમાં વીજચોરોની ઠંડી ઉડી ગઈ હતી. જંબુસર નગરના જુદાજુદા વિસ્તાર મા હાથ ધરેલ ચેકિંગ ની કામગીરી દરમ્યાન વીજ ચોરીના 5 કેસ મળી આવતા અંદાજે બે લાખ ની વીજ ચોરી પકડી હોવાની માહિતી પ્રાપ્ત થઈ છે.