Gujarat Weather : રાજયમાં શિયાળો આગામી દિવસમાં લેશે વિદાય, ગરમીની થશે શરૂઆત

રાજ્યના હવામાન વિભાગનું અનુમાન છે કે,આગામી દિવસોમાં શિયાળો ધીરે-ધીરે વિદાય લેશે અને રાજયમાં ઉનાળાની શરૂઆત થશે,તો બે દિવસ રાજયમાં બેવડી ઋતુની અસર રહેશે સાથે સાથે લઘુતમ તાપમાન 5 થી 7 ડિગ્રી વધ્યું છે.નલિયામાં 19.8 ડિગ્રી તાપમાન નોંધાયું છે.બીજી તરફ મોટાભાગના જિલ્લામાં તાપમાન 2 ડિગ્રી ઘટ્યું છે.જાણો કયાં કેટલું તાપમાન નોંધાયું હવામાન વિભાગની આગાહી પ્રમાણે વાત કરવામાં આવે તો અમદાવાદમાં 21.2 ડિગ્રી,ગાંધીનગર 19.2 ડિગ્રી,ડીસા 18.3 ડિગ્રી,પાલનપુર 18.5 ડિગ્રી,વડોદરા 21.6 ડિગ્રી,કંડલા 23.3 ડિગ્રી,સુરત 20.6 ડિગ્રી,અમરેલી 20.7 ડિગ્રી,ભાવનગર 22.1 ડિગ્રી,રાજકોટ 19.7 ડિગ્રી તાપમાન નોંધાયું છે. બપોરના સમયે ગરમીનો અહેસાસ ગુજરાતમાં ઠંડી ધીરે ધીરે વિદાય લઈ શકે છે તેવી આગાહી હવામાન વિભાગ દ્વારા કરવામાં આવી છે. બંગાળની ખાડી તરફથી આવતા ભેજવાળા પવન અને વેસ્ટર્ન ડિસ્ટર્બન્સને કારણે રાજ્યના અનેક વિસ્તારોમાં વાદળછાયું વાતાવરણ છવાયું છે.આ સાથે ગરમી વધવાની પણ આગાહી કરી છે.હાલ ગુજરાતમાં ઉત્તરથી ઉત્તર પૂર્વની દિશાના પવન ફૂંકાઈ રહ્યા છે. ત્યારે ગુજરાતમાં 24 કલાક શુષ્ક હવામાન રહેશે. રાજ્યમાં એક જ દિવસમાં તાપમાન 2 થી 5 ડિગ્રી વધી ગયું છે પવનની દિશા બદલાતા તાપમાનમાં વધારો થયો છે. જમ્મૂ-કાશ્મીરમાં નવું વેસ્ટર્ન ડિસ્ટર્બન્સ સક્રિય થતા ગુજરાત પર તેની મોટી અસર જોવા મળી છે. અમદાવાદના લઘુત્તમ તાપમાનમાં એક દિવસમાં 3.5 ડિગ્રીનો વધારો થયો છે. વહેલી સવારે લાગતી ઠંડીના પ્રમાણમાં ઘટાડો થયો છે. પરંતું ત્રણ દિવસ બાદ ફરી ઠંડીમાં સામાન્ય વધારો થઈ શકે છે. જો કે, હાલના દિવસોમાં મિશ્ર ઋતુ રહેતી હોવાના કારણે રોગચાળાના પ્રમાણમાં વધારો થયો છે. સવારે અને રાત્રે ઠંડી તો દિવસના ભાગમાં ગરમીનો અનુભવ થઈ રહ્યો છે.