Gujarat Weather : રાજયમાં 20 જિલ્લામાં લઘુત્તમ તાપમાન 15 ડિગ્રીથી નીચું નોંધાયું

રાજયમાં હાડ થીજવતી ઠંડીનો ચમકારો જોવા મળ્યો છે,20 જિલ્લામાં લઘુત્તમ તાપમાન 15 ડિગ્રીથી નીચું નોંધાયું છે તો નલિયા 5.8 ડિગ્રી સાથે સૌથી ઠંડુ શહેર બન્યું છે..રાજકોટ અને નલિયામાં કોલ્ડવેવની આગાહી કરવામા આવી છે,સાથે સાથે પોરબંદરમાં પણ કોલ્ડવેવની આગાહી કરાઈ છે તેમજ 19 જિલ્લાઓમાં તાપમાન 15 ડિગ્રીથી નીચું નોંધાયું છે.ઉત્તર પૂર્વના પવન ફૂંકાતા ઠંડીમાં વધારો જોવા મળ્યો છે અને આગામી સમયમાં પણ હજી વધારે ઠંડી પડશે તેવી આગાહી હવામાન વિભાગ દ્વારા કરવામાં આવી છે. જાણો કયાં કેટલું તાપમાન નોંધાયું છે હવામાન વિભાગની આગાહી પ્રમાણે વાત કરવામાં આવે તો રાજકોટમાં 9.4 ડિગ્રી, કેશોદમાં 9.8 ડિગ્રી,પોરબંદરમાં 10.5 ડિગ્રી,અમરેલીમાં 11 ડિગ્રી,સુરેન્દ્રનગરમાં 12.8 ડિગ્રી, ડીસામાં 13.7 ડિગ્રી,અમદાવાદ અને ગાંધીનગરમાં 14.4 ડિગ્રી,ડીસામાં 13.7 ડીગ્રી, વેરાવળમાં 14.7 ડિગ્રી,ભાવનગરમાં 14 ડિગ્રી, મહુવામાં 14.1 ડિગ્રી,વડોદરા અને દ્વારકામાં 15 ડિગ્રી તાપમાન નોંધાયું છે.આગામી બે દિવસ ઠંડી યથાવત રહેવાની આગાહી હવામાન વિભાગના જણાવ્યા અનુસાર, દક્ષિણ બંગાળની ખાડીના મધ્ય ભાગોમાં લો પ્રેશરનું ક્ષેત્ર રચાયું છે. આગામી બે દિવસમાં આ બાબત વધુ સ્પષ્ટ થશે. આ પછી તે પશ્ચિમ-ઉત્તર પશ્ચિમ તમિલનાડુના તટ તરફ આગળ વધે તેવી શક્યતા છે. તમિલનાડુના દરિયાકાંઠે ભારે પવન ફૂંકાશે અને આસપાસના જિલ્લાઓમાં ભારે વરસાદ પડશે. વેસ્ટર્ન ડિસ્ટર્બન્સ મધ્ય અને ઉપલા ટ્રોપોસ્ફિયરમાંથી ઉત્તર તરફ આગળ વધી રહ્યું છે. ભારતમાં ઠંડીની જામી લહેર ભારતીય હવામાન વિભાગે આગાહીમાં જણાવ્યું કે, આગામી દિવસોમાં ઠંડી વધી શકે છે. દેશના મોટા ભાગના ભાગોમાં શિયાળા દરમિયાન સામાન્ય તાપમાન કરતાં વધુ નોંધાય તેવી શક્યતા છે ઓછા શીત લહેર દિવસો: ઉત્તર-પશ્ચિમ, મધ્ય અને ઉત્તર-પૂર્વ ભારતમાં ઓછા શીત લહેર દિવસો રહેશે. દક્ષિણ ભારતમાં ઠંડી વધી શકે છે. દક્ષિણ દ્વીપકલ્પ ભારતમાં તાપમાન સામાન્ય કરતાં ઓછું રહી શકે છે.ઉત્તરથી લઈને દક્ષિણ સુધી ચારેતરફ તીવ્ર ઠંડીનું મોજું ફરી ગયું છે. હિમાચલમાં હિમવર્ષાને કારણે ઠંડીનું મોજું વધ્યું છે. ડિસેમ્બરના આગમનની સાથે જ ઠંડીએ પણ પોતાના રંગ બતાવવાનું શરૂ કરી દીધું છે. પરંતું ડિસેમ્બરના આગામી દિવસો આના કરતા વધુ ભયાનક જશે તેવી આગાહી આવી ગઈ છે. હવામાન વિભાગે ઠંડીની નવી આગાહીને લઈને મોટું એલર્ટ આપ્યું છે.