Gujarat Weather News: આગામી સાત દિવસ સાર્વત્રિક મેઘમહેરની આગાહી, દક્ષિણ ગુજરાતમાં ગાજવીજ સાથે ભારે વરસાદની શક્યતા

વરસાદ નવરાત્રિમાં ખેલૈયાઓના રંગમાં ભંગ પાડી શકે છે.રાજ્યમાં 7 દિવસ સાર્વત્રિક વરસાદની આગાહી કરવામાં આવી છે.દક્ષિણ ગુજરાતમાં ગાજવીજ સાથે વરસાદની આગાહી કરવામાં આવી છે.દરિયાઇ વિસ્તારમાં 30થી 40 કિમીની ઝડપે પવન ફૂંકાશે.ઉત્તર ગુજરાતમાંથી ચોમાસએ વિદાય લીધી છે. ગાંધીનગર અમદાવાદમાં છુટાછવાયા વરસાદની આગાહી કરવામાં આવી છે.

આ વિસ્તારોમાં હળવાથી મધ્યમ વરસાદની આગાહી

હવામાન વિભાગની આગાહી પ્રમાણે રાજ્યમાં ખેડા, પંચમહાલ, દાહોદ,આણંદ, અરવલ્લી, મહીસાગરમાં વરસાદની આગાહી કરવામાં આવી છે.વડોદરા, છોટાઉદેપુરમાં હળવાથી મધ્યમ વરસાદની આગાહી, ભરૂચ, નર્મદા, તાપીમાં હળવાથી મધ્યમ વરસાદની આગાહી કરવામાં આવી છે.નવસારી, ડાંગ, વલસાડ અને દમણ અને દાદરા નગર હવેલીમાં હળવાથી મધ્યમ વરસાદની આગાહી કરવામાં આવી છે.

ઉત્તર ગુજરાતમાંથી ચોમાસાની વિદાય થશે

હવામાન વિભાગના જણાવ્યા પ્રમાણે ઉત્તર ગુજરાતમાંથી ચોમાસુ વિદાય લઈ રહ્યું છે. બે દિવસ બાદ ઉત્તર ગુજરાતમાંથી ચોમાસાની વિદાય થશે. રાજ્યમાં આજની તારીખ સુધીમાં 110.58 ટકા વરસાદ નોંધાયો છે. રાજ્યમા કચ્છમાં 135.95, ઉત્તર ગુજરાતમાં 119.27, મધ્ય પૂર્વ ગુજરાતમાં 113.23, સૌરાષ્ટ્રમાં 95.46 અને દક્ષિણ ગુજરાતમાં 115.33 ટકા વરસાદ ખાબક્યો છે.ગઈકાલે પ્રથમ નોરતે અમરેલી, ધોરાજી, ભાવનગરના મહુવા સહિતના વિસ્તારોમાં વરસાદ ખાબક્યો હતો.