Gujarat News: સેલવાસ નગર પાલિકામાં 15માંથી 14 બેઠકો પર ભાજપના ઉમેદવારો બિન હરીફ જીતી ગયા

સંઘ પ્રદેશ દમણમાં યોજાયેલી સ્થાનિક સ્વરાજ્યની ચૂંટણીના મતદાન પહેલા જ ભાજપનો ભગવો લહેરાયો છે. દમણ નગર પાલિકા અને જિલ્લા પંચાયતની ચૂંટણી પહેલા જ ભાજપની ભવ્ય જીત થઈ છે. બંને પંચાયતોમાં ચૂંટણી યોજાય તે પહેલા જ ભાજપે મહત્વની બેઠકો કબજે કરી છે. આ ઉપરાંત સેલવાસ નગર પાલિકાની 15માંથી 14 બેઠકો પર ભાજપના ઉમેદવારો બિનહરીફ જીતી ગયા છે. જ્યારે દાદરા અને નગર હવેલી જિલ્લા પંચાયતની 26માંથી 17 બેઠકો બિન હરીફ જાહેર થઈ છે.

જિલ્લા પંચાયતની 26 બેઠકોમાંથી 17 બેઠકો બિન હરીફ

સંઘ પ્રદેશ દાદરા નગર હેવલીની સ્થાનિક સ્વરાજ્યની ચૂંટણીમાં ભાજપનો દબદબો યથાવત રહ્યો છે.સેલવાર નગર પાલિકાની 15માંથી 14 બેઠકો પર ભાજપના ઉમેદવારો બિન હરીફ થયાં છે. જ્યારે જિલ્લા પંચાયતની 26 બેઠકોમાંથી 17 બેઠકો પર પણ ભાજપના ઉમેદવારો બિન હરીફ જીતી ગયાં છે. ભાજપ દ્વારા નગરપાલિકા અને જિલ્લા પંચાયત કબજે કરવામાં આવી છે.

ભાજપે મોટાભાગની બેઠકો પર બિન હરીફ જીત મેળવી

આ ચૂંટણી પહેલા જ ભાજપે મોટાભાગની બેઠકો પર બિન હરીફ જીત મેળવીને કબજો મેળવી લીધો છે. ઉલ્લેખનીય છે કે, અગાઉ ભાજપના સભ્યો સિવાયના ઉમેદવારોના ફોર્મ રદ કરવામાં આવતા રાજકારણ ગરમાયું હતું. ફોર્મ રિજેક્ટ થવાના કારણે મોટા ભાગની બેઠકો બિનહરિફ જાહેર કરવામાં આવી છે. હવે બાકી રહેલી બેઠકો પર આગામી 6 નવેમ્બરના રોજ મતદાન યોજાશે.