Gujarat News: રાજ્યના તમામ જિલ્લામાં ઓક્ટોબરથી વાઈબ્રન્ટ ગુજરાત યોજાશે, સરકાર કર્ટેન રેઝર લોન્ચ કરશે

ગુજરાતમાં યોજાતી વાઈબ્રન્ટ સમિટની જેમ રાજ્યના દરેક જિલ્લામાં હવે વાઈબ્રન્ટ ગુજરાત યોજાશે. આવતીકાલે આ માટે રાજ્ય સરકાર કરટેન રેઝર લોન્ચ કરશે. રાજ્ય સરકાર આ આયોજન મારફતે જિલ્લાની જરૂરિયાત મુજબ રોકાણો આવે તેવા પ્રયાસો કરશે. આગામી ઓક્ટોબર મહિનાથી વાયબ્રન્ટ ગુજરાત શરૂ થશે. રાજ્યમાં વાયબ્રન્ટ ગુજરાત રિજિયોનલ કોન્ફરન્સ યોજાશે.

ઉદ્યોગપતિઓ સાથે રોકાણ માટે સમજૂતી કરાર કરાશે

પ્રાપ્ત વિગતો પ્રમાણે રાજ્યના વેપાર ધંધાને વેગ આપવા માટે રાજ્ય સરકારે વાઈબ્રન્ટ સમિટને હવે રાજ્યના ચાર ઝોનમાં યોજવાનો નિર્ણય કર્યો છે. આ વર્ષે ઓક્ટોબર મહિનામાં રાજ્યના સૌરાષ્ટ્ર, કચ્છ, ઉત્તર, દક્ષિણ અને મધ્ય ઝોનમાં આ સમિટનું આયોજન કરવામાં આવશે. રાજ્યના તમામ ઝોનમાં સમિટમાં સામેલ થયેલા જિલ્લાના વેપાર-ધંધા અને ઉદ્યોગોને અનુલક્ષીને ઉદ્યોગપતિઓ સાથે રોકાણ માટે સમજૂતી કરાર કરાશે.

રિજિયોનલ સમિટ માટે સરકાર દ્વારા તૈયારીઓ શરૂ

આગામી ઓક્ટોબર મહિનામાં યોજાનારી પહેલી રિજિયોનલ સમિટ માટે સરકાર દ્વારા તૈયારીઓ શરૂ કરવામાં આવી છે. રાજ્યમાં આવી રહેલા રોકાણોને પગલે રોજગારી પણ વધવાની અપેક્ષા સેવાઈ રહી છે. રાજ્યમાં રિજિયોનલ કોન્ફરન્સ અંતર્ગત ક્લીન અને ગ્રીન ઊર્જા પર ફોકસ કરવામાં આવ્યું છે.વાયબ્રન્ટ ગુજરાત રિજિયોનલ કોન્ફરન્સીસ હરિત ઊર્જાના નેતૃત્વને ઉજાગર કરશે