Gujarat: આકરી ગરમી સાથે માવઠાની આગાહી, અમદાવાદનું તાપમાન 44 ડિગ્રી નોંધાયુ

ગુજરાતમાં હવામાન વિભાગ દ્વારા આકરી ગરમી સાથે માવઠાની આગાહી કરવામાં આવી છે. આજે અમદાવાદમાં હિટવેવની આગાહી કરાઈ છે. અમદાવાદનું મહત્તમ તાપમાન 44.8 ડિગ્રી નોંધાયું છે. શહેરમાં ઈતિહાસમાં ત્રીજીવાર મહત્તમ તાપમાન નોંધાયું છે. આ ઉપરાંત કચ્છ, મોરબી, રાજકોટ, બોટાદ ,સુરેન્દ્રનગર અને અમદાવાદમાં હીટવેવની આગાહી કરવામાં આવી છે.

આકરી ગરમી સાથે માવઠાની આગાહી

હવામાન વિભાગ દ્વારા આકરી ગરમી સાથે માવઠાની આગાહી કરવામાં આવી છે. આ ઉપરાંત કાળઝાળ ગરમી બાદ પ્રિ મોન્સૂન એક્ટિવિટી થતા વરસાદની આગાહી કરવામાં આવી છે. હવામાન વિભાગના જણાવ્યા પ્રમાણે રાજ્યમાં ત્રણથી 6 મેના રોજ વરસાદ થઈ શકે છે. ત્રીજી મેના રોજ કચ્છ, બનાસકાંઠા અને સાબરકાંઠા વરસાદની આગાહી કરવામાં આવી છે.

ચોથી મેના રોજ આ વિસ્તારોમાં વરસાદની આગાહી

જ્યારે ચોથી મેના રોજ કચ્છ, બનાસકાંઠા, પાટણ, મહેસાણા, સાબરકાંઠા, અરવલ્લી, મહીસાગર, દાહોદ, પંચમહાલ, વડોદરા, છોટાઉદેપુર, અમરેલી અને ભાવનગરમાં ગાજવીજ સાથે સામાન્ય થી મધ્યમ વરસાદની આગાહી કરાઈ છે.5 મેના રોજ કચ્છ, બનાસકાંઠા, પાટણ, મહેસાણા, સાબરકાંઠા, અરવલ્લી, મહીસાગર, દાહોદ, પંચમહાલ, વડોદરા, છોટાઉદેપુર, નર્મદા, તાપી, સુરત, નવસારી, ડાંગ, વલસાડ, દમણ, દાદરા નગર હવેલી, ગીર સોમનાથ, અમરેલી, ભાવનગર અને દિવમાં વરસાદની આગાહી કરાઈ છે.

6 મેના રોજ આ વિસ્તારોમાં વરસાદની આગાહી

6 મે રોજ બનાસકાંઠા, સાબરકાંઠા, અરવલ્લી, મહીસાગર, દાહોદ, પંચમહાલ, વડોદરા, છોટાઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ, દમણ, દાદરા નગર હવેલી, પોરબંદર, રાજકોટ, જુનાગઢ,અમરેલી, ભાવનગર, ગીર સોમનાથ અને દીવમાં ગાજવીજ સાથે વરસાદની આગાહી કરવામાં આવી છે. અમદાવાદમાં મહત્તમ તાપમાન 44.8 ડિગ્રી નોંધાયું છે. અગાઉ 27 એપ્રિલ 1958 માં 46.4 ડિગ્રી તાપમાન અમદાવાદમાં નોંધાયું હતું.જે પછી 30 એપ્રિલ 2002 માં 45 ડિગ્રી તાપમાન નોંધાયું હતું.