Gandhinagarમાં શિક્ષણ મંત્રી રિવાબા જાડેજા સાથે શિક્ષક સંઘોની મહત્વની બેઠક

ગુજરાત રાજ્યના શિક્ષણ મંત્રી રિવાબા જાડેજાની અધ્યક્ષતામાં સરકારી કર્મચારીઓના વિવિધ સંગઠનોના હોદ્દેદારો સાથે એક ઉચ્ચ સ્તરીય બેઠક યોજાઈ હતી. રાજ્યના શિક્ષણ ક્ષેત્ર સાથે જોડાયેલા વહીવટી અને શૈક્ષણિક સ્ટાફના લાંબા સમયથી પેન્ડિંગ રહેલા વિવિધ પડતર પ્રશ્નોનો સકારાત્મક ઉકેલ લાવવાના આશયથી આ સમીક્ષા બેઠકનું આયોજન કરવામાં આવ્યું હતું. ગાંધીનગર ખાતે યોજાયેલી આ બેઠકમાં કર્મચારીઓના હિતલક્ષી મુદ્દાઓ અને તેમની રજૂઆતો પર ગંભીરતાપૂર્વક વિચારણા કરવામાં આવી હતી.

આચાર્ય સંઘ અને શિક્ષક મહાસંઘના આગેવાનો સાથે સંવાદ 

આ મહત્વપૂર્ણ બેઠકમાં રાજ્યના વિવિધ શૈક્ષણિક મંડળો જેવા કે આચાર્ય સંઘ, વહીવટી કર્મચારી સંઘ, પ્રાથમિક-માધ્યમિક શિક્ષક સંઘ તેમજ ઉચ્ચતર માધ્યમિક શિક્ષક મહાસંઘના પ્રતિનિધિઓ અને પ્રમુખ આગેવાનો ખાસ ઉપસ્થિત રહ્યા હતા. મંત્રીશ્રીએ તમામ સંગઠનોના પ્રતિનિધિઓને સાંભળીને તેમના વહીવટી, પગાર ધોરણ, બઢતી અને બદલી સહિતના પડતર પ્રશ્નોની ઝીણવટભરી વિગતો મેળવી હતી અને કર્મચારીઓને પડતી મુશ્કેલીઓનો વહેલી તકે નિકાલ લાવવાની દિશામાં ચર્ચા કરી હતી.

પ્રશ્નોના કાયમી ઉકેલ માટે શિક્ષણ વિભાગનો સાનુકૂળ અભિગમ 

શિક્ષણ મંત્રી રિવાબા જાડેજાએ બેઠક દરમિયાન કર્મચારી સંઘોને આશ્વાસન આપતાં જણાવ્યું હતું કે રાજ્ય સરકાર શિક્ષણની ગુણવત્તા સુધારવા સાથે કર્મચારીઓના કલ્યાણ માટે પણ કટિબદ્ધ છે. સરકારી કર્મચારીઓના વાજબી અને ન્યાયિક પ્રશ્નોનું ઝડપી અને સંતોષકારક નિરાકરણ લાવવા માટે શિક્ષણ વિભાગ દ્વારા જરૂરી કાનૂની અને નાણાકીય પાસાઓની ચકાસણી કરીને યોગ્ય કાર્યવાહી કરવામાં આવશે. મંત્રીના આ સાનુકૂળ અભિગમથી કર્મચારી વર્ગ અને શિક્ષણ સંઘોમાં આશાનું કિરણ જાગ્યું છે.

ગુજરાતના વધુ સમાચાર વાંચવા માટે ક્લિક કરો