Dholka: કલિકુંડ વિસ્તારમાં ગેરકાયદેસર દબાણોના રાફડાથી વેપારીઓને હાલાકી

ધોળકા તાલુકાના કલિકુંડ વિસ્તારમાં આવેલ સ્નેહા કોમ્પ્લેક્ષના વેપારીઓએ નગરપાલિકા સમક્ષ દબાણ અને ટ્રાફ્કિ સમસ્યાને લઈને તાત્કાલિક કાર્યવાહી કરવાની માંગ ઉઠાવી છે. વેપારીઓ દ્વારા નગરપાલિકાના ચીફ્ ઓફ્સિરને આ બાબતે વાંરવાર લેખિત રજૂઆત આપવામાં આવી છે. રજૂઆતોમાં જણાવાયું છે કે કોમ્પ્લેક્ષના મુખ્ય પ્રવેશદ્વાર અને આજુબાજુના રસ્તાઓ પર શાકભાજીની લારીઓ અને ફેરીયાઓએ બિનમંજુર રીતે દબાણ કરી ટ્રાફ્કિની ભયંકર સમસ્યા ઉભી કરી છે. વેપારીઓના જણાવ્યા મુજબ કોમ્પ્લેક્ષમાં આવતા ગ્રાહકો માટે પાર્કિંગની વ્યવસ્થા ન હોવા છતાં શાકભાજીની લારીઓ રોડ પર ઊભી રહે છે. નિકાસ અને પ્રવેશના માર્ગો બ્લોક થવાના કારણે વાહનચાલકો અને ગ્રાહકોને અવારનવાર મુશ્કેલીનો સામનો કરવો પડે છે. અમુક વેપારીઓ તો આ લારીઓને ભાડે આપી પોતાની દુકાન આગળ ઊભી રાખી આવક પણ મેળવી રહ્યા છે. જેના કારણે દબાણની સમસ્યા વધુ વધી છે. વ્યાપારીઓએ આરોપ મૂક્યો છે કે શાકભાજી વેચનારાઓ દ્વારા સ્થાનિક દુકાનદારોને ધમકી પણ આપવામાં આવે છે કે તેઓને કોઈ ફરિયાદ ન કરે. આવી સ્થિતિમાં વેપારીઓના વ્યવસાય પર વિપરિત અસર થઈ રહી છે. અને લોકોને સુરક્ષાની પણ ચિંતા થવા લાગી છે. વ્યાપારીઓએ નગરપાલિકા સહિત સ્થાનિક પોલીસ સ્ટેશન, મામલતદાર કચેરી અને ઝોનલ ઓફ્સિર સમક્ષ લેખિત રજૂઆત કરીને તાત્કાલિક કાર્યવાહીની માંગ કરી છે. અને તેમનું કહેવું છે કે જો તાત્કાલિક પગલા ન લેવાય તો વધુ ભયંકર સમસ્યા ઉભી થઈ શકે છે. જેથી આ ટ્રાફ્કિની સમસ્યાનું તાત્કાલિક નિવારણ લાવવામાં આવે તેવી વેપારીઓની માંગ ઉઠવા પામી છે.