Dhandhuka: લીમડી માર્ગ પર કારની ટક્કરે 15 વર્ષીય સગીરનું મોત, માતાને ઈજા

Jul 12, 2025 - 02:00

Join our WhatsApp Community to receive travel deals, free stays, and special offers!
- Join Now -

ધંધૂકા લીમડી માર્ગ પર એક્ટિવા સ્કુટર અને કાર વચ્ચે અકસ્માત સીએનજી પંપ પાસે સર્જાયો હતો. જેમાં 15 વર્ષીય સગીરનું મોત થયું હતુ. જ્યારે તેની માતા ઇજાગ્રસ્ત થયા હતા. ધંધૂકા લીમડી હાઇવે માર્ગ પર સીએનજી પમ્પ પાસે એકટીવા સ્કુટર અને કાર વચ્ચે અકસ્માત સર્જાતા મૂળ લીમડી રહેતા સિદ્ધાર્થ સાથળિયાનું ઘટનાસ્થળે કરુણ મોત થયું હતું. તો તેની માતા શારદાબેન ને ઈજા થવા પામી હતી 108ની મદદથી ઇજાગ્રસ્તને ધંધૂકા સરકારી હોસ્પિટલ ખાતે લઈ જવામાં આવ્યા હતા. ત્યારે મૃતક સગીરનું પોસ્ટમોર્ટમ ધંધૂકાની સરકારી હોસ્પિટલ ખાતે કરવામાં આવ્યું હતું. આ બાબતે ધંધૂકા પોલીસ દ્વારા કાયદેસરની કાર્યવાહી હાથ ધરવામાં આવી છે.