Dahod: કબુતરી નદી બે કાંઠે વહી, સિંગવડ નગરમાં ઘરમાં વરસાદી પાણી ફરી વળ્યા

દાહોદ ગ્રામ્યમાં ભારે વરસાદથી પાણી ભરાયા છે. સિંગવડ નગરમાં ઘરમાં વરસાદી પાણી ફરી વળ્યા છે. મોડી રાતે ધોધમાર વરસાદથી પાણી ભરાયા છે. નીચાણવાળા વિસ્તારમાં પાણી ભરાતા લોકોને હાલાકી પડી રહી છે. કબૂતરી નદીના પાણી રસ્તામાં આવતો રોડ બંધ કરવામાં આવ્યો છે. સિંગવડથી મંડેર, માતાના પાલ્લા જતો રોડ બંધ થયો છે. રસ્તો બંધ કરતા અનેક ગામ સંપર્ક વિહોણા થયા છે.

કબૂતરી નદી બે કાંઠે વહી 

કબૂતરી નદી બે કાંઠે વહી રહી છે. ભારે વરસાદથી નદીમાં પૂરની સ્થિતિ જોવા મળી છે. સિંગવડ નગરના નીચવાસ વિસ્તારમાં ઘરોમાં પાણી ભરાયા છે. સિંગવડ નગરમાં મધ્યરાત્રી દરમિયાન પડેલા ભારે વરસાદના કારણે નીચાણવાળા બજારમાં કેટલાક મકાનોમાં પાણી ભરાયા છે. વરસાદી પાણીનો નિકાલ ન હોવાના કારણે રોડ પર એક થી દોઢ ફૂટ પાણી ભરાઈ જતા આમ જનતાની હાલત બેહાલ થઈ છે.

ભારે વરસાદના પગલે નદીઓમાં પૂર આવ્યું

ઉપરવાસમાં પડેલા ભારે વરસાદના પગલે નદીઓમાં પૂર આવ્યું છે. સિંગવડથી મંડેર,માતાના પાલ્લા, વડાપીપળા, કાળિયા રાય, કેળકુવા વચ્ચેનો કબુતરી નદી ઉપર પાણી જતા રસ્તો બંધ કરતા અનેક ગામોનો સંપર્ક વિહોણા થયા છે. સિંગવડ ખાતે કબૂતરી નદીમાં પાણીની ભારે આવક થતાં નદી બે કાંઠે વહેવા લાગી છે.