Dahod News: ફ્યુઝન ફાઇનાન્સમાં 1.99 લાખની ચોરી કંપનીના પૂર્વ કર્મચારીએ જ કરી, પોલીસે ગણતરીના કલાકોમાં કેસ ઉકેલ્યો

દાહોદના લીમડીમાં ફ્યુઝન ફાઈનાન્સમાં 1.99 લાખ રૂપિયાની ચોરી થયાનો મામલો સામે આવ્યો હતો. આ કેસમાં કંપનીનો પૂર્વ કર્મચારી જ ચોર નીકળ્યો છે. પોલીસે ગણતરીના કલાકોમાં જ આ ચોરીનો કેસ ઉકેલી નાંખ્યો છે. પોલીસે આરોપીની ધરપકડ કરીને વધુ કાર્યવાહી હાથ ધરી છે.

ચોરીના આરોપમાં પૂર્વ કર્મચારીની ધરપકડ

દાહોદ જિલ્લાના લીમડીમાં ફ્યુઝન ફાઈનાન્સમાં 1.99 લાખ રૂપિયાની ચોરી થઈ હતી. પોલીસે ફરિયાદ નોંધી આરોપીને પકડવા માટે ચક્રો ગતિમાન કર્યા હતાં. પોલીસે સીસીટીવીની મદદથી આરોપીને ગણતરીના કલાકોમાં જ પકડી પાડ્યો હતો.

ફાઇનાન્સ કંપનીનો પૂર્વ કર્મચારી જ નીકળ્યો ચોર

 આરોપીએ કંપનીમાં ઘૂસીને આ ચોરીને અંજામ આપ્યો હતો. પોલીસે આરોપી આતિશ ભૂરિયાને ચોરીના મુદ્દામાલ સાથે ગણતરીના કલાકોમાં પકડી પાડીને સમગ્ર ચોરીનો ભેદ ઉકેલી નાંખ્યો હતો. આ આરોપી કંપનીનો પૂર્વ કર્મચારી હોવાનું પોલીસની પૂછપરછમાં સામે આવ્યું હતું.

આ પણ વાંચોઃ Gujarat News: ગુજરાત ATS અને જામનગર પોલીસનું સંયુક્ત ઓપરેશન, પંજાબ હત્યાકાંડના આરોપીને ઝડપી પાડ્યો