Dahod: અંધશ્રદ્ધાનું ફરી ધૂણ્યું ભૂત! ભૂવાએ માસૂમ બાળકીને આપ્યા ડામ

દાહોદમાં અંધશ્રદ્ધાનું ભૂત ફરી ધૂણ્યું છે. દાહોદ તાલુકાના હીમાલા ગામમાં ચાર મહિનાના માસૂમને ભૂવાએ ડામ આપ્યા છે. તેમાં શ્વાસની તકલીફમાં લોખંડના સળિયાથી ડામ આપ્યા છે. ત્યારે પરિવાર માસૂમ બાળકીને ભૂવા પાસે લઈ ગયો હતો. જેમાં 4 મહિનાની દીકરીના પેટ પર ગરમ સળિયાથી ડામ આપવામાં આવ્યા હતા. તેથી બાળકી હાલ હોસ્પિટલમાં સારવાર હેઠળ છે.

દાહોદના હીમાલા ગામમાં અંધશ્રદ્ધાનો કિસ્સો પ્રકાસમાં આવ્યો છે. ચાર મહિનાની બાળકીને શ્વાસની તકલીફ થતા ભૂવા પાસે લઈ જવાઇ હતી. ભૂવાએ બાળકીની છાતીના ભાગે ડામ આપ્યા હતા. આ સાથે ભૂવાએ ગરમ સળિયા વડે માસૂમ બાળકીને ત્રણ જગ્યાએ ડામ દીધા હતા. બાળકી હાલ દાહોદની ખાનગી હૉસ્પિટલમાં સારવાર હેઠળ ખસેડાઇ છે.  આમ, ભારતમાં જ નહીં, દુનિયાના તમામ દેશોમાં કોઈને કોઈ સ્વરૂપે અંધશ્રદ્ધા જોવા મળે છે. આનાથી કોઈ પણ દેશ કે રાજ્ય બાકાત નથી. આઝાદી બાદ પણ આપણા રાજ્યમાં કેટલીક હૃદય કંપાવી દેતી ઘટનાઓ આપણા ધ્યાને આવી છે.

રાજ્યમાં કેટલીક હૃદય કંપાવી દેતી ઘટનાઓ

• બનાસકાંઠા જિલ્લાના એક ગામમાં નરબલી આપવાથી પોતાના લગ્ન થઈ જશે એવો વહેમ રાખી માસુમ બાળકની હત્યા કરી નાખવામાં આવી.
• ગીર સોમનાથ જિલ્લામાં પોતાની 14 વર્ષની દીકરીને કોઈ વળગાડ છે તેવી મનમાં શંકા રાખી આ વળગાડ દૂર કરવા પોતાના ખેતરમાં દીકરીને બે કલાક આગ પાસે ઊભી રાખી, બાદમાં દાઝેલી દીકરીને ચાર-પાંચ દિવસ સુધી ખેતરમાં જ ભૂખી બાંધીને રાખી મોત નિપજાવવામાં આવ્યું.
• અરવલ્લી જિલ્લામાં ડાકણ હોવાનો વહેમ રાખી 70 વર્ષના દાદીમાની હત્યા પોતાના જ પૌત્ર દ્વારા કરવામાં આવી.
• સુરતમાં એક દીકરીને પોતાના ગુમ પિતાની ભાળ મેળવી આપવાના બહાને એક ઢોંગી તાંત્રિકે તેની સાથે શારીરિક શોષણ કરી, યુવા દીકરીની જિંદગી બરબાદ કરી નાખી. આ ઉપરાંત ખેતરમાં સોનાના ચરુ તેમજ અન્ય ખજાનો દટાયેલો છે, તેવા બહાના હેઠળ અનેક લોકો પાસેથી રૂપિયા પડાવી લેવામાં આવી હોવાની ઘટનાઓ પણ ધ્યાને આવી છે.