Bhavnagar : વીતેલા 24 કલાકથી અનરાધાર કમોસમી વરસાદ, ગ્રામ્ય વિસ્તારમાં વરસાદથી ઘોડાપૂરની સ્થિતિ

રાજ્યમાં ઉભી થયેલી ડીપ્રેશનની સ્થિતિના કારણે કમોસમી વરસાદ પડી રહ્યો છે. રાજ્યનું હવામાન બગડ્યું છે અને ક્યાંક મધ્યમ તો ક્યાંક ભારે વરસાદ પડી રહ્યો છે.

ગ્રામ્ય વિસ્તારમાં વરસાદથી ઘોડાપૂરની સ્થિતિ

ભાવનગર જિલ્લામાં વીતેલા 24 કલાકથી અનરાધાર વરસાદ પડી રહ્યો છે. ભાવનગર અને તળાજા વિસ્તારમાં વરસાદથી જનજીવન અસ્તવ્યસ્ત થઇ ગયું છે. ગ્રામ્ય વિસ્તારમાં વરસાદથી ઘોડાપૂરની સ્થિતિ જોવા મળી રહી છે . ધોધમાર વરસાદથી નદી-નાળા છલકાયા છે

દિહોર-ભદ્રાવળનો માર્ગ બંધ

ગ્રામ્ય વિસ્તાર તો જળબંબાકાર બની ગયેલો જોવા મળે છે. ધોધમાર વરસાદથી ઠેર-ઠેર પાણી ભરાયા છે. વરસાદને પગલે દિહોર-ભદ્રાવળનો માર્ગ બંધ થઇ ગયો છે. કમોસમી વરસાદથી ખેતરમાં રહેલા પાકને નુકસાન

બીજી તરફ ભાવનગરના મહુવામાં બે ઇંચ વરસાદ ખાબક્યો છે. છેલ્લા ચાર દિવસથી મહુવા વિસ્તારમાં કમોસમી વરસાદ વરસી રહ્યો છે. કમોસમી વરસાદથી ખેતરમાં રહેલા પાકને નુકસાન થઇ રહ્યું છે. શહેર અને ગ્રામ્ય વિસ્તારમાં નુકસાનીનો વરસાદ પડી રહ્યો છે. ભાવનગરના ગારિયાધારમાં પણ કમોસમી વરસાદ વરસી રહ્યો છે. કમોસમી વરસાદથી કપાસ, મગફળીના પાકને નુકસાન થઇ રહ્યું છે. ગારિયાધારના મુખ્ય માર્ગો પર પાણી ફરી વળ્યા છે અને ગારિયાધારમાં છેલ્લા 24 કલાકમાં એક ઇંચથી વધુ વરસાદ વરસ્યો છે.