Anand Breaking news: આણંદ અને વડોદરા જિલ્લાને જોડતો ગંભીરા બ્રિજ તૂટ્યો, ટ્રક અને ટેન્કર નદીમાં ખાબક્યા

આણંદ અને વડોદરા જિલ્લાને જોડતો મહિસાગર નદી પરનો ગંભીરા બ્રિજ તૂટવાની ઘટના સામે આવી છે. બ્રિજ તૂટતા ટ્રક અને ટેન્કર નદીમાં ખાબક્યાં છે.વર્ષો જૂનો ગંભીરા બ્રિજ ખખડધજ બન્યો હતો. બ્રિજ તૂટતાં આણંદથી વડોદરા, ભરૂચ અને અંકલેશ્વરનો સંપર્ક તૂટ્યો છે.

બોરસદનો ગંભીરા બ્રિજ તૂટી પડ્યો

પ્રાપ્ત વિગતો પ્રમાણે આજે સવારે આણંદ અને વડોદરા જિલ્લાને જોડતો ગંભીરા બ્રિજ તૂટી પડ્યો હતો. બ્રિજ તૂટતા એક ટ્રક અને ટેન્કર સહિત એક મહિલા પણ નદીમાં ખાબક્યા હતાં. આણંદ જિલ્લાને વડોદરા જિલ્લાથી જોડતો મહત્વનો બ્રિજ વચ્ચેથી જ તૂટી પડ્યો હતો. મહિસાગર નદી પર આવેલો ગંભીરા બ્રિજ વહેલી સવારે તૂટી પડ્યો હતો. વર્ષો જૂનો બ્રિજ લાંબા સમયથી ખખડધજ હાલતમાં હતો.

માત્ર રીપેરીંગ કામ કરવામાં આવતું હતું

તંત્ર દ્વારા માત્ર આ બ્રિજનું સમારકામ જ કરવામાં આવતું હતું. આ બ્રિજ તૂટી પડતાં આણંદથી વડોદરા,ભરૂચ અને અંકલેશ્વરનો સંપર્ક તૂટ્યો છે. બ્રિજ તૂટતાં કેટલાક વાહનો નદીમાં ખાબક્યા છે. આજે વહેલી સવારે બ્રિજ વચ્ચેના ભાગથી જ તૂટી પડ્યો હતો.