Amreli: APMC ને મળ્યા નવા ચેરમેન, ભાવિન સોજીત્રા બિનહરીફ ચૂંટાયા

Oct 9, 2025 - 18:00

Join our WhatsApp Community to receive travel deals, free stays, and special offers!
- Join Now -

અમરેલી જિલ્લાના સૌથી મોટા ગણાતા અમરેલી એગ્રિકલ્ચરલ પ્રોડ્યુસ માર્કેટિંગ કમિટી (APMC) ના ચેરમેનની ચૂંટણી યોજાઈ હતી. જેમાં ભાવિન સોજીત્રાની નવા ચેરમેન તરીકે બિનહરીફ વરણી કરવામાં આવી છે.

અમરેલી એપીએમસીના ચેરમેનની ચૂંટણી

અગાઉના ચેરમેન શૈલેષ સંધાણીની અઢી વર્ષની મુદત પૂર્ણ થતાં આ ચૂંટણી યોજવામાં આવી હતી. ભાવિન સોજીત્રા હવે આગામી અઢી વર્ષ માટે અમરેલી APMCની કમાન સંભાળશે.

APMCના ચેરમેન બિનહરીફ ચૂંટાયા

મહત્વનું છે કે, ભાવિન સોજીત્રા અમરેલી APMCના તેલીબિયાં વિભાગમાંથી ડિરેક્ટર તરીકે ચૂંટાયેલા છે. તેમની બિનહરીફ વરણી ભાવનગર જિલ્લા રજિસ્ટ્રારની હાજરીમાં કરવામાં આવી હતી, જેણે તેમની પસંદગી પર મહોર મારી છે. ભાવિન સોજીત્રાના નેતૃત્વ હેઠળ હવે અમરેલી APMC ના કારોબારને નવી દિશા મળશે.