Ajmer : સામાન્ય તકરારમાં કાકા-ભત્રીજાની હત્યા કરનારા ત્રણ આરોપી અમદાવાદમાંથી ઝડપાયા

અજમેર ડબલ મર્ડર કેસમાં અમદાવાદમાંથી ત્રણ આરોપીની ધરપકડ કરવામાં આવી છે. અમદાવાદ ક્રાઈમ બ્રાન્ચે આરોપીઓની ધરપકડ કરીને અજમેર પોલીસને જાણ કરતાં અજમેર પોલીસ આરોપીઓને લેવા માટે અમદાવાદ પહોંચી છે. દુકાનમાં માથાકૂટ થતા બે યુવકોની હત્યા કરાઇ હતી અને હવે અજમેર પોલીસ આરોપીઓની કસ્ટડી લેશે

અજમેરના રામગંજમાં ડબલ મર્ડર

અજમેરના રામગંજમાં થયેલ ડબલ મર્ડર કેસમાં ત્રણ આરોપીની ધરપકડ કરવામાં આવી છે. અમદાવાદ ક્રાઈમ બ્રાન્ચે આ મામલે ત્રણ આરોપીઓની ધરપકડ કરી છે

ભાવતાલને લઈને શરૂ થયેલી તકરારમાં બે યુવકોની હત્યા

મળેલી માહિતી પ્રમાણે્ નોનવેજ ની દુકાન પર ભાવતાલને લઈને શરૂ થયેલી તકરારમાં બે યુવકોની હત્યા કરવામાં આવી હતી. આ બનાવમાં શાહ નવાજ અને ઇમરાન નામના કાકા ભત્રીજા ની હત્યા કરી ત્રણેય આરોપી ફરાર થઇ ગયા હતા

ત્રણેય આરોપીઓને ઝડપી પાડ્યા

જો કે અમદાવાદ ક્રાઇમ બ્રાન્ચે બાતમીના આધારે ત્રણેય આરોપીઓને ઝડપી પાડ્યા છે અને અજમેર પોલીસને જાણ કરી છે. અજમેર પોલીસ આરોપીઓની કસ્ટડી લેવા માટે ક્રાઈમ બ્રાન્ચ પહોંચી છે.