Ahmedabad: સોલામાં પરિણીત મેડિકલ વિદ્યાર્થિનીની છેડતી કરી કપડાં ફાડનાર પતિના મિત્ર સામે ગુનો

Nov 21, 2026 - 17:00
Ahmedabad: સોલામાં પરિણીત મેડિકલ વિદ્યાર્થિનીની છેડતી કરી કપડાં ફાડનાર પતિના મિત્ર સામે ગુનો

Join our WhatsApp Community to receive travel deals, free stays, and special offers!
- Join Now -

Join our WhatsApp Community to receive travel deals, free stays, and special offers!
- Join Now -

અમદાવાદના સોલા વિસ્તારમાં 21 વર્ષીય પરિણીતા અને મેડિકલનો અભ્યાસ કરતી વિદ્યાર્થિની સાથે છેડતીનો બનાવ સામે આવ્યો છે. આ મામલે યુવતીના પતિના મિત્ર સામે અશોભનીય વર્તન કરવાનો ગંભીર આરોપ મૂકવામાં આવ્યો છે. આરોપીએ ઈન્સ્ટાગ્રામ પર પોતાના બીભત્સ ફોટો અને વીડિયો મોકલી યુવતીને પરેશાન કરી હતી. આ બનાવ અંગે સોલા પોલીસ સ્ટેશનમાં ફરિયાદ નોંધાઈ છે.

અશોભનીય વર્તન કરવામાં આવ્યું હોવાનો આરોપ 

પોલીસ ફરિયાદમાં જણાવ્યા અનુસાર, સોલા વિસ્તારમાં રહેતી 21 વર્ષીય પરિણીતા મેડિકલનો અભ્યાસ કરી રહી છે. આ મેડિકલ વિદ્યાર્થિની સાથે તેના પતિના મિત્ર દ્વારા ગંભીર પ્રકારનું અશોભનીય વર્તન કરવામાં આવ્યું હોવાનો આરોપ સામે આવ્યો છે. 

ઈન્સ્ટાગ્રામ પર પોતાના બીભત્સ ફોટો મોકલ્યા

આરોપી શખ્સે સોશિયલ મીડિયા પ્લેટફોર્મ ઈન્સ્ટાગ્રામ પર પોતાના બીભત્સ ફોટો તેમજ વીડિયો મોકલીને પરિણીતાને સતત પરેશાન કરી મૂકી હતી. આ ઉપરાંત આરોપીએ બાથરૂમમાંથી પોતાના અત્યંત બીભત્સ વીડિયો બનાવીને પણ યુવતીને મોકલ્યા હોવાનો વિગતવાર ઉલ્લેખ પોલીસ ફરિયાદમાં કરવામાં આવ્યો છે. આરોપી દ્વારા વારંવાર અશ્લીલ સામગ્રી મોકલીને યુવતીને હેરાન કરવામાં આવી રહી હતી.

પાકીટ ભૂલી જવાના બહાને યુવતીના ઘરે પહોંચ્યો

દરમિયાન, આરોપી શખ્સ પોતાનું પાકીટ ભૂલી જવાના બહાને યુવતીના ઘરે પહોંચ્યો હતો. યુવતીએ ઘરનો દરવાજો ખોલતાં જ આરોપીએ તેની છેડતી કરી હતી. આરોપીએ દરવાજો ખુલતાં જ યુવતીને પોતાની બાથમાં ભીડી લીધી હતી અને તેનાં કપડાં ફાડી નાખીને તેની સાથે જબરજસ્તી કરવાનો પ્રયાસ કર્યો હતો. 

તાત્કાલિક સ્થળ પરથી નાસી છૂટ્યો 

અચાનક બનેલી આ ઘટનાથી હેબતાઈ ગયેલી યુવતીએ હિંમતપૂર્વક જોરજોરથી બૂમાબૂમ કરી મૂકી હતી. યુવતીએ જોરથી બૂમાબૂમ કરતાં જ આરોપી પકડાઈ જવાના ડરથી તાત્કાલિક સ્થળ પરથી નાસી છૂટ્યો હતો.સોલા પોલીસ સ્ટેશનમાં ફરિયાદ

આ સમગ્ર મામલે ભોગ બનનાર પરિણીત યુવતીએ સોલા પોલીસ સ્ટેશન ખાતે પહોંચીને પોતાના પતિના મિત્ર વિરુદ્ધ ફરિયાદ નોંધાવી હતી. આ બનાવ સંદર્ભે સોલા પોલીસે છેડતી તેમજ આઈટી એક્ટ હેઠળ ગુનો નોંધીને કાયદેસરની કાર્યવાહી હાથ ધરી છે. સમગ્ર મામલે સોલા પોલીસે વિધિવત ગુનો નોંધીને ફરાર આરોપી સામે આગળની વધુ તપાસ હાથ ધરી છે. 


આ પણ વાંચો :    Sugar Prices : ખાંડના ભાવમાં ભડકો, અનેક શહેરોમાં કિલોનો ભાવ રૂ. 70 સુધી પહોંચ્યો, સરકારનાં પગલાં છતાં ગ્રાહકોને રાહત નહીં

                                

What's Your Reaction?

Like Like 0
Dislike Dislike 0
Love Love 0
Funny Funny 0
Angry Angry 0
Sad Sad 0
Wow Wow 0