Ahmedabad: શારદાબેન હોસ્પિટલમાં ક્કતું સિક્યુરિટીવાળી છો, મારે તારી જોડે વાત નહિ કરવી કહીને ઝગડો

શારદાબેન હોસ્પિટલમાં ડિલિવરી વોર્ડના દરવાજા પાસે શખ્સે મહિલાને તુ સિક્યુરિટીવાળી છે તારી સાથે વાત નથી કરવી કહીને ઝઘડો કરીને ધક્કો મારીને છેડતી કરી હતી.

જેમાં શખ્સે મહિલા પાસે આવીને ડોકટરે કેમ દર્દીને 108માં કેમ લાવેલ છો પૂછયુ હતુ કહીને ઝઘડો કર્યો હતો. આ અંગે મહિલા સિક્યુરિટીએ શખ્સ સામે શહેર કોટડા પોલીસ સ્ટેશનમાં ફરીયાદ નોધાવી છે.

સરસપુરમાં રહેતી 39 વર્ષીય મહિલા શારદાબેન હોસ્પિટલમાં સિક્યુરિટી બાઉન્સર તરીકે નોકરી કરે છે. ગત 12 ઓગસ્ટે તેઓ અન્ય મહિલાકર્મી સાથે બાઉન્સર તરીકે ડિલિવરી વોર્ડના દરવાજા પાસે નોકરી કરતા હતા. જ્યારે વોર્ડમાં પુરૂષને એન્ટ્રી આપવામાં આવતી નથી. આ દરમ્યાન રાત્રીના સમયે જગદીશ કલાત્મીક નામનો શખ્સ આવ્યો હતો. તેને મહિલા સિક્યુરિટીને ગઇકાલે એક દર્દીને 108માં લાવેલ હતા તે સમયે ડોકટરે કેમ એવુ કહ્યુ કે આ દર્દીને કેમ 108માં લાવેલ છો પૂછતા મહિલાએ કોઇ પુરાવા હોય તો કહો હું ડોકટર સાથે વાત કરાવુ કહેતા શખ્સે ઉશ્કેરાઇને તુ સિક્યુરિટી વાળી છે તારી સાથે વાત નથી કરવી કહીને ઝઘડો કર્યો હતો. આ દરમ્યાન અન્ય લોકો ત્યાં આવી જતા શખ્સ વિડીયો ઉતારવા લાગ્યો હતો અને મોટેથી બોલીને મહિલા સિક્યુરિટીને ધક્કો મારીને છેડતી કરી હતી. આ અંગે મહિલાએ જગદીશ સામે શહેર કોટડા પોલીસ સ્ટેશનમાં ફરીયાદ નોધાવી છે.