Ahmedabad: લો ગાર્ડનમાં દબાણ ખાતાના કર્મચારી અને સ્ટ્રીટ વેન્ડર વચ્ચે મારામારી

દબાણ હટાવવાની કામગીરી દરમિયાન ઝપાઝપી પાથરણાવાળાને હટાવવા પહોંચ્યું હતું દબાણ ખાતું સ્ટ્રીટ વેન્ડર્સ દ્વારા અધિકારીઓને રોકવામાં આવ્યા અમદાવાદમાં લો ગાર્ડન ખાતે દબાણ ખાતા અને સ્ટ્રીટ વેન્ડર વચ્ચે ઝપાઝપી થઈ હતી. દબાણ હટાવવાની કામગીરી દરમિયાન ઝપાઝપીના દૃશ્યો સર્જાયા હતા. લો ગાર્ડન ખાતે પાથરણા વાળા બેઠા હતા ત્યાં દબાણ ખાતાના અધિકારીઓ પહોંચ્યા હતા. દબાણ હટાવવાની કામગીરી દરમિયાન સ્ટ્રીટ વેન્ડર દ્વારા દબાણ ખાતાના અધિકારીઓને રોકવામાં આવતા મામલો બિચક્યો હતો. ખીરીદીની ભીડ વચ્ચે દબાણ હટાવતાં મારામારી થઈ તહેવારોની સિઝનમાં લોકો લો ગાર્ડન ખાતે કપડા ખરીદવા અને નાસ્તા કરવા માટે આવતા હોય છે. ત્યારે દબાણ ખાતા દ્વારા દબાણ હટાવવાની ઝૂંબેશ શરૂ કરવામાં આવી હતી. જે દરમિયાન સ્ટ્રીટ વેન્ડર અને સરકારી અધિકારીઓ વચ્ચે મારામારી થઈ હતી. નવરાત્રીને આડે ગણતરીના દિવસો જ બાકી રહ્યા છે ત્યારે લોકો ટ્રેડીશનલ કપડાં ખરીદવા આવતા હોય છે. જેને લઈને બજારમાં ભારે ભીડ જોવા મળી રહી હતી.