Ahmedabad: આકાશાની બેંગલુરુ જતી ફ્લાઈટ ચાર કલાક મોડી પડતાં મુસાફરો અકળાયા

અમદાવાદ એરપોર્ટ પર શનિવારે પણ ઘણી ફ્લાઇટો ધુમ્મસ સહિતના કારણોસર તેનો નિર્ધારિત સમય સાચવવામાં નિષ્ફળ રહી હતી. એર ઇન્ડિયા લંડન-અમદાવાદ સવા કલાક અને ગોવા-અમદાવાદ 35 મિનિટ મોડી આવી હતી. સ્પાઇસ જેટની અયોધ્યા-અમદાવાદ 42 મિનિટ , આકાશા એરની પુને અને બેંગલુરુ સહિતની ફ્લાઈટ એકથી ચારેક કલાક મોડી હોવાથી મુસાફરો પરેશાન થયા હતા.અમદાવાદથી ઉપડતી આકાશા એરની અમદાવાદ-પુને એક કલાક, , અમદાવાદ-બેંગ્લુરુ 45 મિનિટ, સાંજની અમદાવાદ-બેંગલુરુ 8:05 કલાકની ફ્લાઇટ રાત્રે 11:50 કલાકે ઉપડવાની હોવાની એરપોર્ટ ઉપર જાહેરાત કરાતા મુસાફરો ઠંડીમાં ચારેક કલાક સુધી અટવાઇ પડયા હતા. એર ઇન્ડિયાની અમદાવાદ-ન્યુ દિલ્હીની ફ્લાઇટ પોણા બે કલાક મોડી ટેકઓફ થઇ હતી.અમદાવાદ-ન્યુ દિલ્હીની બીજી ફ્લાઇટ પણ 36 મિનિટ મોડી ઉપડી હતી. ઇન્ડિગોની અમદાવાદ-બેંગ્લુરૂ સાંજે એક કલાક મોડી રહી હતી. જેના કારણે અમદાવાદ એરપોર્ટ પર મુસાફરો અને તેમના સગાઓ શનિવારે પણ હાલાકીમાં મુકાઇ ગયા હતા.