Ahmedabad News : સાઉથ બોપલના એક એપાર્ટમેન્ટમાં યુવકનો આપઘાત, 14 માળેથી ઝંપલાવ્યું

અમદાવાદના સાઉથ બોપલમાં આવેલા મેરીગોલ્ડ એપાર્ટમેન્ટમાં એક દુઃખદ ઘટના બની છે. અહીં એક યુવકે એપાર્ટમેન્ટના 14 માળેથી ઝંપલાવીને આપઘાત કરી લીધો છે. આ સમગ્ર ઘટના CCTV માં કેદ થઇ ગઈ હતી.

આ સમગ્ર ઘટના CCTV માં થઇ કેદ

તમને જણાવી દઈએ કે, આપઘાતની આખી ઘટના એપાર્ટમેન્ટમાં લાગેલા CCTV કેમેરામાં કેદ થઇ હતી. જોકે, યુવક કયા કારણોસર આ પગલું ભર્યું તે અંગેનું કારણ હજુ અકબંધ છે. પોલીસે આ મામલે વધુ તપાસ હાથ ધરી છે અને આપઘાત પાછળના કારણો જાણવા પ્રયાસ કરી રહી છે. આ ઘટનાએ વિસ્તારમાં શોક અને આઘાતની લાગણી પ્રસરાવી છે.

યુવકના આપઘાત પાછળનું કારણ અકબંધ

ઘટનાની જાણ થતા જ પોલીસ ઘટનાસ્થળે પહોંચી હતી અને યુવકના મૃતદેહને પોસ્ટમોર્ટમ માટે ખસેડવામાં આવ્યો હતો. સમગ્ર મામલે પોલીસે વધુ તપાસ હાથ ધરી છે. યુવકની ઓળખ અને આપઘાત પાછળના સંભવિત કારણો જાણવા માટે પોલીસ દ્વારા તેના પરિવારજનો અને અન્ય સંબંધિત વ્યક્તિઓની પૂછપરછ કરવામાં આવી રહી છે. આ ઘટનાને પગલે વિસ્તારમાં શોક અને આપઘાતની લાગણી વ્યાપી ગઈ છે.