Ahmedabad News: તોડબાજ પત્રકારની ખંડણીના ગુનામાં ધરપકડ, વીડિયો વાયરલ કરવાની ધમકી આપી રૂ. 25 હજારની ખંડણી માગી હતી

તોડબાજ પત્રકારની ખંડણીના ગુનામાં ધરપકડ કરવામાં આવી છે. તોડબાજ પત્રકાર યાસીન ઉર્ફે બાટલીની ધરપકડ થઈ છે. ફરિયાદીને ઝઘડાના વીડિયો વાયરલ કરવા ધમકી આપી હતી અને વીડિયો વાયરલ ન કરવા 25 હજારની ખંડણી માગી હતી. ફરિયાદીની માતાને અપશબ્દો બોલ્યો હતો જેને લઈને અમદાવાદમાં પોલીસ સ્ટેશનમાં ફરિયાદ કરવામાં આવતા મહિલા પોલીસે આરોપીની ધરપકડ કરી લીધી છે.

ઝઘડાના વીડિયો વાયરલ કરવાની ધમકી આપી રૂ. 25 હજારની ખંડણી માગી

અમદાવાદના તોડબાજ પત્રકારની ખંડણી અને છેડતીના ગુનામાં ધરપકડ કરવામાં આવી છે. તોડબાજ પત્રકાર યાસીન ઉર્ફે બાટલી ઉર્ફે સરફરાજની પોલીસે ધરપકડ કરી હતી. પોતાની જાતને પત્રકાર બતાવી ફરિયાદીને ઝગડાના વીડિયો ફોટો વાયરલ કરવાની ધમકી આપી હતી. ફોટો વિડિઓ વાયરલ ના કરવા માટે 25000 ની ખંડણીની માંગણી કરી હતી. ફરિયાદી દ્વારા ના પાડતા આરોપી ફરિયાદીની માતાને અપશબ્દો બોલ્યો હતો. આજ રોજ આરોપીની મહિલા પોલીસે ધરપકડ કરી છે.

લોકોને બ્લેકમેલ કરી પૈસા પડાવતા પત્રકાર પર પોલીસનો સકંજો

પત્રકાર બનીને લોકોને લૂંટવાનું કામ કરી રહેલા યાસીનને પોલીસે ઝડપી પાડ્યો છે જે લોકોને બ્લેકમેલ કરી ખંડણી માગીને પત્રકાર તરીકે સમાજના લોકોને લૂંટવાનું કામ કરી રહ્યો છે. ફરિયાદી તેની આબરુ લૂંટવાની કલમ હેઠળ ગુનો નોંધ્યો છે. પોલીસે આરોપીને પકડી આગળની કાર્યવાહી હાથ ધરી છે.