Ahmedabad News: ટ્રાફિક મુદ્દે હાઇકોર્ટની પોલીસને ટકોર, વાહનચાલકો સામે કડક કાર્યવાહી કરી પ્રોગ્રેસ રીપોર્ટ સોંપો

ગુજરાત હાઈકોર્ટમાં ટ્રાફિક મુદ્દે સુનાવણી હાથ ધરાઈ હતી. આ સુનાવણી દરમિયાન રોંગ સાઈડમાં વાહન ચલાવનાર વાહન ચાલકો સામે લાલ આંખ કરી હતી. કોર્ટે ટ્રાફિક મુદ્દે પોલીસને ટકોર કરતાં કહ્યું હતું કે, ટ્રાફિક નિયમો તોડતા વાહન ચાલકો સામે કડક કાર્યવાહી કરો. સુનાવણી દરમિયાન જજે કહ્યું હતું કે, મારો ડ્રાઈવર પકડાય તો પણ કાર્યવાહી કરો. કોઈ ઓળખાણ આપીને બચી ના જાય તેનું ધ્યાન રાખો.

કોઈ અધિકારીની ગાડી ટ્રાફિકનો ભંગ કરે તો છોડશો નહીં

હાઈકોર્ટમાં ટ્રાફિક મુદ્દે યોજાયેલી સુનાવણીમાં કોર્ટે પોલીસને ટકોર કરી હતી કે, ટ્રાફિક નિયમો તોડતા વાહન ચાલકો સામે કડક કાર્યવાહી કરો. કોઈ ઓળખાણ આપીને બચી ના જાય તેનું ધ્યાન રાખો. કોર્ટમાં સુનાવણી દરમિયાન જજે કહ્યું હતું કે, મારો ડ્રાઈવર હોય અને પકડાય તો પણ તેની સામે કાર્યવાહી કરો. પોલીસ ટ્રાફિકની સમસ્યાને ગંભીરતાથી લે. કોઈ અધિકારીની ગાડી ટ્રાફિકનો ભંગ કરે તો છોડશો નહીં.

કોઈપણ નાગરિકને ટ્રાફિકના નિયમ ભંગમાં VVIP ટ્રિટમેન્ટ આપવાની જરૂર નથી

કોર્ટે પોલીસને કહ્યું હતું કે, કોઈપણ નાગરિકને ટ્રાફિકના નિયમ ભંગમાં VVIP ટ્રિટમેન્ટ આપવાની જરૂર નથી. શહેરમાં ટ્રાફિકની સમસ્યા વિકટ છે તે બાબત પોલીસ ગંભીરતાથી લે. હાઇકોર્ટ કે ઉચ્ચ અધિકારીઓની ગાડી ટ્રાફિક નિયમોનો ભંગ કરે તો પણ તેમની સામે એક્શન લેવા કોર્ટે પોલીસને ટકોર કરી હતી. આ ઉપરાંત પોલીસને હાઈકોર્ટે કડક કાર્યવાહી કરી પ્રોગેસ રિપોર્ટ સોંપવા પણ ટકોર કરી હતી.