Ahmedabad News : કાર રોકવા જેવી નજીવી બાબતે યુવક પર હુમલો! રિચી રિચ પાન પાર્લરના ભાવિક ગજ્જર સામે ગુનો દાખલ

અમદાવાદમાં આવેલા જાણીતા રિચી રિચ પાન પાર્લર પાસે હુમલાની એક ચોંકાવનારી ઘટના સામે આવી છે. મળતી માહિતી મુજબ, તનીષ પટેલ નામના યુવક પર અચાનક હુમલો કરવામાં આવ્યો હતો. આ હુમલાનો આરોપ ભાવિક ગજ્જર નામના વ્યક્તિ પર લાગ્યો છે. ઘટના અંગે પીડિત યુવક દ્વારા પોલીસ મથકે વિધિવત ફરિયાદ નોંધાવવામાં આવી છે. ફરિયાદના આધારે પોલીસે તાત્કાલિક ધોરણે ગુનો નોંધીને પ્રાથમિક તપાસનો ધમધમાટ શરૂ કર્યો છે.

કાર રોકવા જેવી નજીવી બાબતે વિવાદ ઉગ્ર બન્યો

આ બનાવ પાછળનું મુખ્ય કારણ કાર રોકવા જેવી અત્યંત નજીવી બાબત હોવાનું સામે આવ્યું છે. સામાન્ય બોલાચાલીથી શરૂ થયેલો આ વિવાદ જોતજોતામાં ઉગ્ર સ્વરૂપ ધારણ કરી ગયો હતો અને તનીષ પટેલ પર હુમલો કરી દેવામાં આવ્યો હતો. આ ઘટનાને પગલે આસપાસના વિસ્તારમાં થોડી ક્ષણો માટે અફરાતફરીનો માહોલ સર્જાયો હતો. ઘટનાની જાણ થતાં જ પોલીસ કાફલો પણ સ્થળ પર પહોંચી ગયો હતો અને પરિસ્થિતિને થાળે પાડી હતી.

આરોપી ભાવિક ગજ્જરને પકડવા માટે પોલીસની ચક્રો ગતિમાન

ઘટના અંગે ફરિયાદ દાખલ થયા બાદ પોલીસે આરોપી ભાવિક ગજ્જર સામે કાનૂની શિકંજો કસવાનું શરૂ કર્યું છે. પોલીસ અધિકારીઓના જણાવ્યા મુજબ, આરોપીને પકડવા માટે અલગ-અલગ દિશામાં તપાસ લંબાવવામાં આવી છે. આસપાસના 2 થી 3 CCTV કેમેરાના ફૂટેજ કંગાળવાની સાથે સ્થાનિક લોકોની પૂછપરછ પણ કરવામાં આવી રહી છે. ભાવિક ગજ્જરને ટૂંક સમયમાં પકડી પાડવા માટે પોલીસે ચક્રો ગતિમાન કર્યા છે.

આ પણ વાંચો : Kutchના મુન્દ્રામાં કાળમુખી માલગાડીનો આતંક, 17થી વધુ ગૌવંશ કચડાયા, પશુપ્રેમીઓમાં ભારે રોષ!