Ahmedabad: સાબરમતી-કલોલ, સાબરમતી-ચાંદલોડિયા રેલવે ટ્રેક પર ઓટોબ્લોક સિગ્નલિંગ સિસ્ટમ

પશ્ચિમ રેલવેના અમદાવાદ વિભાગમાં હવે ટ્રેન દુર્ઘટના રોકવા માટે અત્યાધુનિક ઓટોમેટિક બ્લોક સિગ્નલિંગ સિસ્ટમ લગાવવામાં આવી છે. જેનાથી ટ્રેનમાં સવાર મુસાફરોને સુરક્ષા પુરી પાડી શકાશે. હાલ સાબરમતી-કલોલ અને સાબરમતી-ચાંદલોડિયા, કાલુપુર-અમદાવાદ વચ્ચે આ સિસ્ટમ લગાવવામાં આવી છે.

પહેલા સ્ટેશને ટ્રેન આવે ત્યારે સ્ટેશન માસ્ટરે ફોન કરીને તમામ ટ્રેનોને જાણ કરવાનું, તેનું લોકેશન ક્યાં છે તે જોવાનું અને બે ટ્રેનો એક ટ્રેક પર ન આવી જાય અથવા એક ટ્રેક પર ઉભેલી ટ્રેનને પાછળથી આવતી ટ્રેન અથડાઇ ન જાય તે જોવાની મેન્યુઅલી અને માથાકુટવાળી અને હજારો મુસાફરોના જીવના જાખમને ધ્યાને રાખીને કરવાની થતી કામગીરી કરવાની રહેતી હતી. હવે સ્ટેશન માસ્ટરને આ ઝંઝટમાંથી મુક્તિ મળી જશે. સ્ટેશન માસ્ટરે ફક્ત મોનિટરિંગ જ કરવાનું રહેશે. રેડ અથવા બ્લુ સિગ્નલ આપવું કે નહીં, અને આપવું તો ક્યારે આપવું તે નક્કી આ પ્રણાલી જાતે જ કરાશે. બિનજરૂરીપણે કલાકો સુધી ટ્રેનોને ટ્રેક પર ઉભી રાખવાની ઝંઝટમાંથી મુક્તિ મળશે તેમજ ખાસ તો મુસાફરોની સુરક્ષાને વધુ મજબૂતી મળશે તેવો દાવો રેલવેના અધિકારીઓ કરી રહ્યા છે.